Ачык ишекләр көне: «Китап йортына чакырабыз, сезгә анда уңайлы булачак»
24 май көнне Песәй урта мәктәбендә соңгы кыңгырау чыңлады. Ул 9 нчы сыйныф укучысы Эльза Вәлиева өчен яңгырады. Без аңа имтиханнарны уңышлы тапшыруын, аның изге теләкләренең кабул булуын телибез. Хәерле юл, Эльза!
Гомумроссия китапханәләр көне алдыннан мәктәп чыгарылыш сыйныф укучыларының китапханәгә баруы матур традициягә әверелде.
Менә алар соңгы кыңгыраудан соң, шундый матур киемнәрдән һәм бәхетлеләр китапханәгә килделәр. Анда алар өчен экскурсияләр, әңгәмәләр, күргәзмәләр янында күзәтүләр һәм әлбәттә, "Китап диңгезләре капитаны"янында фотосессияләр үткәрелде. Шулай ук балалар "Могҗизалы китапханә илендә" исемле стендта үзләренең изге теләкләрен калдырдылар. Кадерле балалар! Сезгә күңелле һәм онытылмаслык җәйге каникуллар телибез!!! Ә китапханә ишекләре сезнең өчен һәрвакыт ачык һәм монда сезгә һәрвакыт өйдәге кебек уңайлы булачак! Хуш киләсез!