Роспотребнадзор: Су коену өчен сулыкны ничек сайларга киңәшләр турында

Роспотребнадзор  моның өчен махсус билгеләнгән урыннарда гына коенырга мөмкин, дип искәртә. Еш кына табигать матур почмагы  белән табигать, аның тынлыгы һәм артык кош-корт булмаган урыннар иң яхшысы дип уйлыйлар, тик бу алай түгел. 

Нинди сулыклар коену өчен туры килми 

* Буада үрдәкләр, казлар йөзсә, тирә-юньдә акчарлаклар оча икән, мондый сулык коену өчен туры килми. Суда йөзүче кошлар суга  аллергик дерматит рәвешендә церкариоз авыруы китереп чыгарырга мөмкин булган личинкаларны ташлый

· Күл өслеге чәчәк ата, яр янында суүсемнәр күп. Мондый буада паразитларның төрле арадаш төрләре үрчү өчен шартлар бар 

· Буа, елга яки күл белән янәшә авыл хуҗалыгы җирләре, чүплек бар икән, бу өске яңгыр сулары агымнары белән сулыкка эләгә һәм анда биоген пычраткычлар —  аскарид, тенид, эхинокок, лямбляй цистлары, эчәк таякчыклары, сальмонелла һәм эчәк инфекцияле һәм паразитар авыруларны йоктыручыларны ачыкларга мөмкин, дигән сүз.;

* Елга белән янәшә сәнәгать предприятиесе, автомобиль магистрале булу.

Шунысын да истә тотарга кирәк, мондый куркынычлар коену урыннарында   гына түгел, ә агынты сулы сулыкларда да көтәләр.

Коену белән ял итүнең рөхсәт ителгән зоналары турында мәгълүматны Роспотребнадзорның Россия Федерациясе субъектлары буенча территориаль органнарында алырга мөмкин.