Радмир Беляев Менделеевскиның мастер-планы турында: "Гадәттә, мондый документны мегаполислар өчен ясыйлар"
Менделеевскида шәһәрнең мастер-планын эшләү буенча стратегик сессия узды. Бу хакта үзенең телеграмма-каналында район җитәкчесе Радмир Беляев сөйләде.
Менделеевскиның Мастер-планы Санкт-Петербургтан махсус чакырылган «Урбанистика» институты белгечләре тарафыннан эшләнә. Алар эшләрнең беренче этабы нәтиҗәләрен тәкъдир иттеләр. Район халкы нинди проектларның иң перспективалы булуын үзләре билгеләячәк һәм Мастер-планга кертелергә тиеш.
"Гадәттә, мондый документ мегаполислар өчен, сирәк кенә- безнең кебек зур булмаган шәһәрләр өчен. Ул экспертлар белән бергә шәһәрне уңайлы, перспективалы, эш һәм тормыш өчен җәлеп итү өчен кирәк", - дип билгеләде Радмир Беляев.
Шәһәрнең үсеш планы буенча фикер алышуда йортлар, подъездлар буенча җаваплылар, территориаль иҗтимагый үзидарә,өлкән сыйныф укучылары, эшмәкәрләр, шәһәр һәм район Советлары депутатлары, эшләүче яшьләр, Л.Я.Карпов исемендәге химия заводы һәм «АММОНИЙ» АҖ хезмәткәрләре, районның Иҗтимагый советы әгъзалары, мәгариф, мәдәният, медицина, спорт, музей, социаль өлкәләрнең актив җитәкчеләре һәм белгечләре.катнашты. Җәмәгатьчелек көне буе диярлек фикер алышты һәм тәкъдимнәр эшләде.
Шәһәр халкын барыннан да бигрәк транспорт һәм инженерлык инфраструктурасы, сәламәтлек саклау һәм туризм өлкәсендәге проблемаларны хәл итү борчый.
Менделеевскиның Мастер-планын эшләүнең чираттагы адымы-тәкъдим ителгән идеяләрне тормышка ашыру предметына анализлау һәм мөмкин булган кадәр проект карарлары җыелмасына интеграцияләү.
Мастер-планны эшләү районда яшьләрне саклау һәм җәлеп итү Концепциясенең бер пункты булачак, шәһәр һәм район киңлегенең территориаль үсешен фаразларга мөмкинлек бирәчәк.
Проектның спонсоры - «Аммоний» АҖ (инвестицияләр суммасы 4,9 млн. сум)