Петр I кечкенә чагында

2022 елда безнең ил тарихка дәүләт реформаторы буларак кереп калган Петр I тууына 350 ел тулуны билгеләп үтә. Әлеге дата кысаларында Камай авыл китапханәсе башлангыч сыйныф укучылары өчен «Петр I кечкенә чагында ... " дип исемләнгән танып-белү сәгате үткәрде.

Балалар кечкенә Петр тормышыннан бик күп кызыклы фактлар белделәр, патшаның  уенчыклары белән таныштылар, «кызыклы гаскәрләр» белән ничек идарә иткәнен, «рус флотының бабасы» белән очрашу ничек узганын һәм аның малайларча күңел ачу - сугыш уены, хәрби эш белән җитди мавыгуга әйләнүен белделәр. Шулай ук «Бөек дәүләтнең Бөек солтаны " дигән китап күргәзмәсе оештырылды.