Әлфия Когогина чыгарылыш сыйныф укучыларын мәктәпне тәмамлаулары белән котлады
Россия Федерациясе Дәүләт Думасы депутаты Әлфия Когогина Менделеевск районы чыгарылыш укучылары катнашында узган «Чыгарылыш балы – 2022» гомумрайон чарасында хөрмәтле кунак булды.
«Артта-мәктәп еллары, алда-кызыклы гомер юлы. Сезгә тормышта үз урыныгызны табарга, гаиләгезгә, илгә, җәмгыятькә чын-чынлап файдалы булырга туры киләчәк, ләкин мин ышанам ки, сезнең барлык планнарыгызны тормышка ашыруның ныклы нигезе туган мәктәбегездә алган белемнәр булачак», – дип мөрәҗәгать итте парламентарий чыгарылыш сыйныф укучыларына.
Район мәдәният йорты сәхнәсендә Әлфия Когогина район башлыгы урынбасары Ләйсән Галиева белән бергә иң яхшы чыгарылыш сыйныф укучыларына медальләр, шулай ук аларның әти-әниләренә һәм сыйныф җитәкчеләренә Рәхмәт хатлары тапшырды.
Быел Менделеевск районында мәктәпне 100 чыгарылыш сыйныф укучысы уңышлы тәмамлады, шуларның 20се «Укуда аерым уңышлары өчен» медале белән бүләкләнде.