Инвалид балаларга ярдәм фонды "Игелек аренасы» "Сәламәт Менделеевск" проектына кушылды
«Юность» кинотеатры янында, Ленин скверында, инклюзив спорт мәйданчыгы урнашкан.
Балалар һәм өлкәннәр төрле адаптив уеннарда катнаштылар.
— Әлеге чара физик тәрбия һәм үстерү максатыннан мөмкинлекләре чикләнгән балалар белән эшләүгә юнәлдерелгән. «Аммоний» заводына зур рәхмәт, аның ярдәмендә уеннар сатып алынган. Безгә кушылыгыз һәм сәламәт булыгыз, - диделәр «Игелек аренасы» идарәсе рәисе һәм совет әгъзасы Рөстәм Миңнегәрәев һәм Семен Трибой.
Барысы да бер-берсен хуплап, тәэсирләре белән уртаклаштылар.
- Актив яшәү рәвешен һәм спортны яратам. Бигрәк тә «Диңгез бильярды» ошады, шарлар урынына яссы фишкалар белән уйнадым. Кызык булды, - дип хәбәр итте Ренат Ефимов.
Максим Лебедев уеннарда иң мөһиме — катнашу, дип саный. Теләсә нинди җиңелү-чираттагы зур җиңүгә бер адым
Саф һавада мавыктыргыч уеннарны күреп, Марина Комарова да читләтеп узып китмәде.
- Инклюзив уеннар-спорт уеннарының яңа төрләрендә үз мөмкинлекләрен сынап карау һәм янәшәдә яшәүчеләр турында күбрәк белү мөмкинлеге ул, - дип фикерләре белән уртаклашты кыз.
«Сәламәт Менделеевск» проекты яңа мәйданчыкларда эшен дәвам итә. Халыкны катнашырга һәм тагын да сәламәт, тату һәм актив компаниядә көчлерәк булырга чакырабыз.