Менделеевскида шәһәр юбилеена берничә мөһим объект тапшырылачак
27 августка, Менделеевскиның 55 еллыгына, шәһәрдә озак көтелгән берничә проект эшләтеп җибәреләчәк. Хәзер шәһәрдә төзелеш эшләре актив бара, бу хакта үзенең Telegram-каналында район җитәкчесе Радмир Беляев сөйләде.
Шулай итеп, 2 атнадан Менделеевскида коры фонтан эшли башлый. Ушков утрауларындагы уникаль объектта эшләрне 29 июльгә тәмамларга планлаштыралар. Коры фонтан төзелеше "Аммоний" компаниясе акчасына алып барыла.
Шәһәрдә аеруча көтеп алынган төп объектларның берсе - стадионны төзүне тәмамлау. Хәзер территориядә административ бинаның булачак йөзе билгеләнә. Нәкъ менә биредә шәһәр көне узачак, дип планлаштырыла.
Шәһәргә керү дә үзгәртелә: Алабуга ягыннан «Менделеевск районы» стеласын яңарту эшләре бара.
Эшләр сыйфатына аерым игътибар бирелә, дип билгеләде Радмир Беляев.
"Материалларның кыйммәтләнүен исәпкә алып, сметаны үзгәртү проблемасы бар. ҮИТИ һәм төзелеш министрлыгы белән мәсьәләне оператив хәл итәбез. Бер генә акт та башкарылган эшләрнең сыйфатыннан башка имзаланмаячак, - дип белдерде Радмир Беляев.