Игътибар! ЯНГЫН КУРКЫНЫЧСЫЗЛЫГЫ ТАЛӘПЛӘРЕН БОЗГАН ӨЧЕН ШТРАФЛАР АРТТЫРЫЛДЫ
2022 елның 8 июненнән янгын куркынычсызлыгы таләпләрен һәм урманнарда янгын куркынычсызлыгы кагыйдәләрен бозган өчен штрафларның яңартылган күләме үз көченә керде.
Гражданнарга янгын куркынычсызлыгы таләпләрен бозган өчен җаваплылык:
- Әгәр дә мангал өйдән, коймадан яки беседкадан 5 метрдан да якын торса -кисәтү яки 5000-15000 сум штраф;
- янгынга каршы махсус режим гамәлдә булган чорда шашлыкны үз дачаларыннан читтә кыздырсалар -10000-2000 сум штраф;
- табигатьтә ял итү янгын белән тәмамланса, кеше сәламәтлегенә җиңел яки урта авырлыктагы зыян килсә-40000-50000 сум штраф;
– урманда яки паркта рөхсәт и телмәгән урында учак кабызылса - кисәтү яки 15000-30000 сум штраф; шул ук вакытта махсус янгынга каршы режим гамәлдә булса-40000-50000 сум штраф.;
- янгын нәтиҗәсендә сәламәтлеккә авыр зыян салынды-80000 сумга кадәр штраф яки 3 елга кадәр иректән мәхрүм итү;
- янгын кеше яки берничә кешенең үлеменә китерде-5 елга кадәр иректән мәхрүм итү;
- янгын милекне зур күләмдә (250 мең сум) юк итте-120000 сумга кадәр штраф яки 1 елга кадәр иректән мәхрүм итү;
- янгын нәтиҗәсендә урманга зыян килде – 30000-500000 сум штраф яки 4 елга кадәр иректән мәхрүм итү.
Россия гадәттән тыш хәлләр министрлыгының күзәтчелек эшчәнлеге һәм профилактик эш департаменты директоры эчке хезмәт генерал-майоры Ринат Еникеев билгеләп үткәнчә, 28 майда Россия Федерациясе Президенты «Административ хокук бозулар турында Россия Федерациясе Кодексына үзгәрешләр кертү хакында»Федераль законга кул куйды.
Федераль закон Дәүләт Думасы тарафыннан 2022 елның 19 маенда кабул ителде һәм агымдагы елның 25 маенда Федерация Советы тарафыннан хупланды. Федераль закон белән янгын куркынычсызлыгы таләпләрен, шулай ук урманнарда янгын куркынычсызлыгы кагыйдәләрен бозган өчен административ җаваплылык көчәйтелә, административ штрафлар күләме арта.
Яңа Федераль закон гражданнар өчен янгын куркынычсызлыгы өлкәсендә хокук бозулар өчен административ штраф күләмен – ун тапкыр, вазыйфаи затлар, шәхси эшмәкәрләр һәм юридик затлар өчен ике тапкыр арттыруны күздә тота.
Әйтик, хәзерге вакытта коры ботакларны яндырган өчен гражданнар өчен максималь административ штраф-3 мең сум булса, яңа Федераль закон буенча – 15 мең сум. Янгынга каршы махсус режим шартларында мондый хокук бозу очрагында гражданин өчен штраф күләме 20 мең сумга кадәр, ә вазыйфаи зат өчен – 60 мең сумга кадәр тәшкил итәчәк.
Закон проектының инициаторы Кемерово өлкәсенең Закон чыгару җыелышы булды. Россия ГТХМ әлеге чараларны хуплады. Ведомство фикеренчә, урманнарда янгын куркынычсызлыгы кагыйдәләрен бозган өчен җаваплылыкны арттыру гражданнарны, вазыйфаи һәм юридик затларны янгын куркынычсызлыгы таләпләрен тайпылышсыз үтәүгә этәрәчәк һәм янгыннар барлыкка килүне булдырмый калачак. Болар барысы да уттан килгән зыянны киметергә мөмкинлек бирәчәк.
Күрсәтелгән Федераль закон агымдагы елның 8 июнендә үз көченә керә.