Роспотребнадзор: Дифтерияне профилактикалау турында
Дифтерия - миндалинның, бугазның зарарлануы белән характерлана торган бактериаль йогышлы авыру, тире, күз, ашказаны-эчәк тракты һәм җенес органнарының төрле зарарлануына сәбәп булырга мөмкин.Бу авыру күп кенә илләрдә вакцинация программалары ярдәмендә онытылган диярлек. Әмма ел саен дөньяда якынча 5 000 - 9 000 очрак теркәлә. 10% авыру үлә. Авыручыларның күпчелеге - прививкалар алмаган Һиндстан халкы. Авыру очраклары Индонезиядә, Доминикан Республикасында, Таиландта, Пакыстанда, Иранда, Бразилиядә, Венесуэлада, Колумбиядә, Лаоста, Африка илләрендә теркәлә. Россиядә ел саен дифтерия яки кузгатучы йөртүчеләрнең 1-5 очрагы билгеләп үтелә. 3-7 яшьлек балалар еш авырый, әмма өлкәннәр арасында да еш була. Дифтерияне 4 яшькә кадәрге балалар авыр кичерә.
Хәзерге вакытта кайбер төбәкләрдә һәм илләрдә вакцинациядән баш тартулар саны арту, COVID-19 пандемиясе фонында вакцинация графигы бозылу, авыру кузгатучының геномына үзгәрешләр туплану, бу инфекция йоктыруның куркынычы арту белән бәйле.