Кулланучылар хокукларын яклау һәм кеше иминлеге өлкәсендә күзәтчелек федераль хезмәте: шешәгә тутырылган суны сайлау буенча тәкъдимнәр турында

Кулланучылар хокукларын яклау һәм кеше иминлеге өлкәсендә күзәтчелек федераль хезмәте шешәнең герметиклыгына игътибар итәргә кирәк, дип искәртә. Шешәдә, барлык азык-төлек продуктларындагы кебек үк, маркировканың барлык атрибутлары, шул исәптән атамасы, эшләү датасы, яраклылык вакыты һәм саклау шартлары буенча да  язу булырга тиеш. Су үтә күренмәле булырга тиеш. Кулланучы сатучыдан продуктка озату документлары белән танышырга һәм товарны дөрес итеп сайлап алу өчен кирәкле барлык мәгълүматны алырга хокуклы. Россия Федерациясе законнары нигезендә, эчә торган шешәгә тутырылган суга сатучы кулланучы таләбе буенча продуктның сыйфатын һәм куркынычсызлыгын (ярашлылык турында декларация), ә балалар туклануы өчен суга — дәүләт теркәве турында таныклык тапшырырга тиеш.

Эчәргә яраклы шешәле су кояшның турыдан-туры нурлары астында, җылылык приборлары янында сакланырга тиеш түгел. Шешәгә тутырылган суны  +2° дан алып +20° га кадәр температурада  сакларга кирәк. Җитештерүче этикеткада, сыешлыгы 5 л дан артык булган шешәләрдә һәм балалар туклану өчен су булган һәр шешәдә савытны ачканнан соң яраклылык срогы күрсәтелергә тиеш, шуңа күрә бу мәгълүматны игътибарсыз  калдырмагыз һәм җитештерүченең киңәшләрен үтәгез.