Россия Федерациясенең дәүләт флагы көне

2022 елның 23 августы, сишәмбе

22 августта Россия Федерациясенең дәүләт флагы көне билгеләп үтелә. Бөтен ил өчен мөһим булган бу көнне Иске Гришкино авыл мәдәният йортында бәйрәм чарасы узды.

Программа авыл мәдәният йорты артистлары әзерләгән концерт һәм беренче сыйныф укучыларына портфельләр тапшыру белән башланып китте. Китапханә белән берлектә күргәзмә, уеннар һәм танып-белү викторинасы оештырылды, анда олылар да, балалар да бик теләп катнаштылар.
Әлеге чараның максаты-Россия Федерациясенең дәүләт символларын популярлаштыру, яшүсмерләргә һәм балаларга ватанпәрвәр һәм гражданлык тәрбиясе бирү, аларда үз Ватаннарына карата горурлык һәм мәхәббәт хисләре формалаштыру.