Район халкыннан гаризаларның 90 проценты РПФна электрон рәвештә килә

РПФның 50дән артык хезмәтен дистанцион рәвештә дәүләт хезмәтләре порталы һәм РПФ сайты аша алырга мөмкин. Менделеевск районында яшәүчеләр РПФ хезмәтләрен электрон рәвештә алуны өстен күрә: 90% тирәсе гариза дистанцион рәвештә керә.

Россия Пенсия фондының электрон сервисларыннан файдалану өчен Бердәм дәүләт хезмәтләре порталында расланган исәп язмасы да җитә.

Клиент хезмәтләренә йөрмичә, пенсия билгеләү һәм китерү турында гариза бирергә, формалашкан пенсия хокуклары турында мәгълүмат алырга, билгеләнгән пенсияләр һәм социаль түләүләр турындагы белешмәгә заказ бирергә мөмкин.

Яшь ата-аналарга электрон хезмәтләр аеруча кирәк. Өйдән чыкмыйча гына ана капиталының күләме яки аның калдыгы турында мәгълүмат алырга, чаралар белән эш итү турында гариза бирергә мөмкин.

Йөклелекнең иртә срогында исәпкә баскан хатын-кызларга пособиегә һәм 8 яшьтән 17 яшькә кадәрге балалары булган гаиләләргә түләү шулай ук электрон рәвештә бирелә. Бу сервис дәүләт хезмәтләре порталында гына гамәлгә ашырылган.

Дәүләт хезмәтләре порталында расланган хисап язмасы булмаса, ПФР сайтындагы шәхси кабинетның кайбер сервисларыннан, мәсәлән, «Кабул итүгә язылу», «Белешмәләр заказы һәм  документлар», «Гражданнар мөрәҗәгате» һәм башкалардан файдаланырга мөмкин.