Пенсия алу ысулын ничек үзгәртергә?

Менделеевск районында клиент хезмәте (бүлек хокукларында) шуны билгеләп үтә: элек билгеле бер ысул җайсыз булган очракта, пенсияне алу ысулын үзебез теләгәнчә сайларга мөмкин, аны һәрвакыт үзгәртеп була. Исегезгә төшерәбез, пенсияне : Россия почтасы аша — өйгә китерү яки яшәү урыны буенча почта бүлегендә, кредит учреждениеләре (банклар) аша, банк бүлеге кассасында, шулай ук «МИР»банк картасы аша алырга мөмкин.

Кирәк булганда пенсияне теләсә кайсы вакытта илтеп җиткерү ысулын үзгәртергә мөмкин. Моның өчен яңа гаризаны теләсә нинди уңайлы ысул белән бирергә кирәк: шәхсән Россия Пенсия фондының клиент хезмәтенә яки КФҮтә, яисә дәүләт хезмәтләре порталы аша gosuslugi.ru яисә Россия Пенсия фонды сайты аша электрон рәвештә җибәрергә кирәк.

Мәсәлән, дәүләт хезмәтләре порталында "Пенсия Льгота. Пособие" - "Пенсия түләве" бүлегендә "Пенсия китерү турында гариза кабул итү"не сайларга кирәк. Шәхси кабинетта РПФ сайтында "Пенсия" бүлегендә "Пенсия китерү турында гариза бирергә" бүлеген сайларга. Белдерүдә илтеп җиткерү оешмасын, әгәр китереп җиткерү оешмасы  банк булса, пенсия һәм хисап реквизитларын китерү ысулын күрсәтергә кирәк.

Пенсионер өчен  билгеләнгән пенсияне ышанычлы зат алырга мөмкин. Бер елдан артык вакыт алган нотариаль ышанычнамә буенча пенсия түләү ышанычнамәнең гамәлдә булу срогы дәвамында башкарыла. Әмма шул ук вакытта пенсионерга ел саен Россия чикләрендә яшәү урыны яки булу урыны буенча теркәлү фактын расларга кирәк (даими рәвештә чыгучылардан тыш). Моның өчен РПФның теләсә кайсы территориаль органына барырга, йә почта аша түләүне мөстәкыйль алырга кирәк (әгәр пенсия почта бүлекчәсе аша җибәрелә икән), — дип билгеләп үтәләр клиентлар хезмәтендә.