Ата-аналарга һәм опекуннарга инвалид балаларны карау буенча ай саен бирелә торган компенсация түләү
Инвалид балаларны тәрбияләүче ата-аналарга һәм опекуннарга Пенсия фонды линиясе буенча айлык түләүләр аена 10 мең сум тәшкил итә.
Исегезгә төшерәбез, ай саен бирелә торган түләү ата-аналар (уллыкка алучылар), опекуннар (попечительләр) саныннан, инвалид баланы яисә балачактан беренче төркем инвалидны карый һәм пенсия яки эшсезлек буенча пособие алмаучы хезмәткә сәләтле эшләмәүче гражданнарга билгеләнә
Һәр инвалид баланы тәрбияләүче затка ай саен түләү билгеләнә. Моннан тыш, карау чоры иминият стажына исәпләнә, һәм ел саен 1,8 пенсия коэффициенты исәпләнә. Бу эшләмәүче гражданга иминият пенсиясе алу өчен үз пенсия хокукларын формалаштырырга мөмкинлек бирә. Әлеге түләү сәламәтлеге мөмкинлекләре чикләнгән балага билгеләнгән инвалидлык буенча пенсия белән бергә башкарыла.
Гаризаны электрон формада дәүләт хезмәтләре порталы яки ПФР сайтында шәхси кабинет аша бирү уңайлырак. Шул ук вакытта түләү билгеләү өчен бернинди өстәмә документлар (шул исәптән хезмәт эшчәнлеге булмау фактын раслый торган документлар) таләп ителми - РПФ органнары белгечләре барлык кирәкле белешмәләрне дәүләт органнарында ведомствоара хезмәттәшлек кысаларында, ЕГИССО (Бердәм дәүләт мәгълүмат системасы) һәм инвалидларның Федераль реестры (инвалидлык турында белешмәләр) аша мөстәкыйль алачак, шулай ук документларны карау буенча түләүләр билгеләү өчен кирәкле оешмалардан соратып алалар. Шулай итеп, әлеге түләү гражданнарның шәхси мөрәҗәгатеннән башка РПФ яисә КФҮ территориаль органына урнаштырылырга мөмкин.
Кирәк булганда гаризаны шулай ук КФҮ аша яки кабул итүгә алдан язылып, РПФ клиент хезмәте аша да бирергә мөмкин.