Энергияне саклау темасына багышланган "Кояшлы куян" XIII Республика балалар иҗат эшләре конкурсы

2022 елның 1 сентябреннән 10 октябренә кадәр энергияне саклау темасына багышланган "Кояшлы куян" XIII Республика балалар иҗат эшләре конкурсына гаризалар кабул ителә.

Татарстан Республикасы территориясендә яшәүче 4 яшьтән алып 17 яшькә кадәрге балалар катнашуга чакырыла.

Конкурс «Иң яхшы рәсем», «Иң яхшы хикәя яки шигырь», «Иң яхшы эшләнмә» һәм «Күләгәдән чык» номинацияләрендә үткәрелә.

XIII «Кояшлы куян» конкурсының төп үзенчәлеге булып, безнең конкурста 4 яшьтән алып 6 яшькә кадәрге иң яшь катнашучылар өчен махсус булдырылган «Күләгәдән чык» дигән яңа номинация торачак. Әлеге номинациядә балалар әти-әниләре белән бергә башкарган иҗади эшләр бәяләнәчәк.

Ел саен конкурс энергетика ресурсларын куллануның актуаль темасына, шулай ук үсеп килүче буын арасында энергияне сак тоту моделен популярлаштыру өчен үткәрелә.

Эшләр 2022 елның 10 октябренә кадәр кабул ителә. Финалистларны һәм җиңүчеләрне жюри билгеләячәк, ә иң яхшы эшләрнең авторлары Казанга бүләкләү тантанасына чакырылачак, ул ноябрь аенда ук булачак һәм халыкара Энергия саклау көненә багышланачак.

Конкурста катнашу өчен иҗади эш, катнашучы анкетасыннан һәм шәхси мәгълүматларны эшкәртүгә ризалыктан торган гариза бирергә кирәк. Эшләр «Татэнергосбыт» АҖнең теләсә кайсы филиалында яки клиентлар хезмәте күрсәтү офисында кабул ителә, шулай ук почта аша 420059, Татарстан Республикасы, Казан шәһәре, Павлюхин урамы, 110 «В» адресы буенча җибәрелә ала. Хикәяләр һәм шигырьләр электрон почтага җибәрелергә мөмкин: pressa@tatenergosbyt.ru  белән хат тема "Кояшлы куян" 

Хөрмәтле катнашучылар! Катнашу өчен гариза җибәргәнче, конкурс турындагы Нигезләмә белән компаниянең рәсми сайтында танышуыгызны сорыйбыз. Бәйгене оештыру һәм катнашу кагыйдәләре турында тулырак «Татэнергосбыт» АҖнең рәсми сайтында «Матбугат үзәге/конкурслар/Солнечный зайчик» бүлегендә яки 8(843)233-15-87 телефоны буенча белергә була.

Катнашучыларга уңышлар һәм иҗади илһам телибез!