Гаилә составы һәм 8 яшьтән 17 яшькә кадәрге балаларга түләү

8 яшьтән алып 17 яшькә кадәрге балаларга түләү җан башына яшәү минимумыннан артмаган уртача керемле гаиләләргә билгеләнә. Уртача җан кереме гаилә әгъзалары санына һәм аларның керемнәренә бәйле.

Гаилә составында кем исәпкә алына:

гариза бирүче (ата-ана яки опекун);
гариза бирүченең ире яки хатыны;
18 яшькә кадәрге балалар, шул исәптән опека астында;
23 яшькә кадәрге балалар, шул исәптән опека астында, әгәр алар көндезге укуда һәм никахта тормый.
Кем гаилә составына керми, хәтта туганлык критерийларына туры килсә дә:

дәүләт карамагында булган балалар, опекага алынган балалардан кала;
армиягә чакырылган хезмәткәрләр яки югары хәрби белем бирү оешмаларында укучылар;
суд карары буенча мәҗбүри дәваланучылар;
бу балага ата-ана хокукыннан мәхрүм  ителгәннәр
 
Исегезгә төшерәбез, түләүне билгеләү өчен түбәндәге шартларны үтәргә кирәк:

гаиләдә кешегә айлык керем җан башына төбәк яшәү минимумы күләменнән артмый (Татарстан Республикасында 01.06.2022 елдан ул 11832 сум тәшкил итә).;
гариза бирүче (әнисе яки әтисе, опекуны) һәм балалары РФ гражданнары, даими рәвештә РФдә яшиләр;
гаилә милеге күчемле һәм күчемсез милек таләпләреннән артмый;
олы гаилә әгъзаларының табышы (стипендия, хезмәт яки эшмәкәрлек керемнәре яки пенсия)  яисә керемнәр булмавы объектив тормыш шартлары белән дәлилләнгән булырга тиеш.