80 яшьлек гражданга нинди түләүләр каралган

Гамәлдәге законнар нигезендә 80 яшькә җиткән гражданнар өчен картлык буенча иминият пенсиясенә беркетелгән түләү 100 процентка артырга тиеш.

Агымдагы елда билгеләнгән түләү 7220 сум 74 тиен тәшкил итә-бу суммага картлык буенча иминият пенсиясе күләме арттырыла.

Әлеге яңадан исәпләү автомат режимда башкарыла, түләү киләсе айдан 80 яшькә җиткәннән соң, туган көннән алып өстәмә рәвештә башкарыла.

Ләкин барысы да түләүне арттыра алмый. Әйтик, беренче группа инвалид булган пенсионерлар өчен 80 яшькә җитүгә арту билгеләнми, чөнки ул инвалидлык буенча пенсия билгеләгәндә элек испәпләнгән. Социаль пенсияләр яисә туендыручыны югалту уңаеннан пенсия алучыларга шулай ук билгеләнгән түләүне арттыру каралмаган.

Шуның белән бергә, даими карауга мохтаҗ өлкәннәр үзләрен кайгырту буенча компенсация рәсмиләштерергә хокуклы. 80 яшьлек пенсионерны, аның белән туганлык мөнәсәбәтләре булуга булмауга карамастан, эшләмәүче һәр кеше карый ала. Эшсезлек буенча пособие алучы пенсионерлар һәм затлар компенсация түләү хокукына ия түгел, чөнки алар югалган хезмәт хакын яки башка керемнәрне компенсацияләү максатларында билгеләнгән пенсия яки эшсезлек буенча пособие рәвешендә социаль тәэминат алучылар булып торалар инде.

Шуны да билгеләп үтәргә кирәк, эшкә яраксыз граждан белән караучы затның бергә яшәү факты әһәмиятле түгел. Түләү мөрәҗәгать итү тәртибендә билгеләнә.

Исегезгә төшерәбез, гаризаны өйдән чыкмыйча – РПФ сайтында яки дәүләт хезмәтләре порталында, шулай ук Менделеевск районында клиентлар хезмәтендә (бүлек хокукларында) бирергә була.