Алтын көзнең бәхетле мизгелләре

Сәйтәк авыл китапханәсе, авыл клубы белән берлектә, өлкәннәр көненә багышланган “Алтын көзнең бәхетле мизгелләре” дигән бәйрәм кичәсе үткәрде.

Кунаклар өчен программа әзерләнгән иде, ул үзешчән сәнгатьтә катнашучыларның чыгышын гына түгел, уен моментлары һәм бәйгеләрен дә үз эченә алды. Бәйрәм кунаклары чәй табыны артына җылы, уңайлы шартларда җыелдылар. Рәхәтләнеп бер-берсе белән аралаштылар, шигырьләр укыдылар, яраткан җырларын җырладылар, конкурсларда актив катнаштылар. Бәйрәм дәвамында өлкәннәр үз адресларына чын күңелдән әйтелгән исәнлек-саулык, озын гомер, күңел күтәренкелеге теләкләрен ишеттеләр. Бәйрәм чәй эчү белән тәмамланды, барысы да уңай эмоцияләр һәм чәчәкләр алды.