Әгәр күңел канатлы булып туган икән

ХХ гасырның рус поэзиясендә иң күркәм исемнәр арасында без Марина Цветаева исемен гадел атыйбыз. Ижевка урта мәктәбендә рус шагыйрәсенең тууына 130 ел тулу уңаеннан, авыл китапханәчесе Останина И.М. оештырган «Әгәр  күңел канатлы булып туган икән.» дип исемләнгән шигъри сәгать узды.

Чарада 8-11 нче сыйныф укучылары катнашты. Китапханәче күпләргә таныш булган һәм яраткан шагыйрәнең тормышы һәм иҗаты турында сөйләде, аның китап күргәзмәсендә тәкъдим ителгән шигырь җыентыклары белән таныштырды. Чарага  М.Цветаеваның тормышы турында презентация әзерләнгән иде. Укучылар белән очрашуга  элеккеге директор һәм укытучы Заболуева В.И. чакырылган иде. Балалар Валентина Ивановнаның Алабугада М. Цветаева яшәгән урыннар буенча экскурсовод булып эшләгән вакыты турында сөйләгәннәрен зур кызыксыну һәм игътибар белән тыңладылар. Аның шигырьләрендә язылган мәхәббәт лирикасы, хатын-кызларның фаҗигале язмышы турындагы хикәя гаҗәеп үтеп керә торган атмосфера тудырды һәм аның шигырьләрен искә төшерергә һәм укырга теләк уятты. Илебез шигърияте тарихында Марина Цветаева исеме аеруча лаеклы урын алып тора. Аның  бөек таланты белән берничә буын соклана.