Сентябрь аенда татарстанлылар кредит акчаларын кулланып күчемсез милекне ешрак сатып ала башлаган
Мондый мәгълүматларны, 2022 елның 9 аенда статистик мәгълүматларны анализлап, Татарстан Росреестры китерә.
Әйтик, июнь аенда торак кредитларын кулланып килешүләрнең иң аз саны теркәлгән (3 829) , июльдә бу күрсәткеч 4 301 гә кадәр, августта - 4 468 гә кадәр, сентябрьдә - 5 270 ка кадәр арткан. Шул рәвешле, июнь белән чагыштырганда, сентябрьдә үсеш 37,6% тәшкил иткән. Шул ук вакытта Казанда ипотека буенча күчемсез милек сентябрьдә, июнь белән чагыштырганда, ешрак 85,6% ка (июньдә - 1 155, июльдә - 1 423, августта - 1 828 һәм сентябрьдә - 2 144).
Ел башыннан бирле Татарстан Росреестры тарафыннан барлыгы 54 мең тирәсе ипотека кредит килешүләре теркәлгән, шул исәптән Казанда - 20 меңнән артык.
Торак биналарны сату-алу шартнамәләренең (ДКП) турыдан-туры гомуми санына килгәндә, Татарстан Росреестры мәгълүматлары буенча, ел уртасыннан башлап шулай ук уңай динамка теркәлә: әгәр июньдә 6 меңнән артык ДКП теркәлгән булса, киләсе айларда (июль-августта) - 7 меңнән артык, сентябрьдә - 7,7 мең. Шул рәвешле, сентябрьдә "түбән июнь" белән чагыштырганда, ДКП саны 26% ка арткан, Казанда бу үсеш 41% тәшкил иткән (июньдә 1 835 июньнән 2 595 сентябрьгә кадәр).
Күчемсез милек өлкәсендәге эксперт Анастасия Гизатова сөйли:
"Сер түгел, күчемсез милек базары драйверы ипотека. Ипотека күләме кредит шартларына бәйле. Казанлылар, ставкаларның кимүен көтеп, күчемсез милек сатып алуны кичектерделәр, һәм банклар тәкъдимнәрен яхшыртканда ук килешүләргә чыга башладылар, моны сентябрь статистикасы раслый. Үзен икенчел сектор тотрыклы хис итә башлады. Сатучылар ташламалар ясауга сыгылмалырак. Шулай ук без икенчел базарда квадрат метрның бәясе старт алучы яңа торак комплексларга караганда түбәнрәк булуын күзәтәбез. Шулай итеп, казанлыларныж сайлавы аңлашыла. Шулай ук Казанда торак базары РФнең башка субъектлары башкалаларына караганда тотрыклы булуын билгеләп үтәсе килә. Һәм тотрыклы ихтыяҗ, шул исәптән, башка төбәкләрдә яшәүчеләр исәбенә дә хуплана ".