Татарстан һәм Башкортстан арасындагы чик күчемсез милекнең бердәм дәүләт реестрына кертү өчен әзерләнгән

​Якын арада күчемсез милекнең Бердәм дәүләт реестрына (ЕГРН) Татарстан белән Башкортстан арасында чик узу турында мәгълүматлар кертеләчәк. Нигездә чик урман массивлары, су чыганаклары территориясе һәм өлешчә авыл хуҗалыгы җирләре буйлап уза. Татарстан Республикасы белән Башкортстан Республикасы арасында чикне узуның гомуми озынлыгы 498 километр тәшкил итәчәк.

Татарстан территориянең көнчыгыш өлешендә Башкортстан белән чиктәш. Чик буйлап Татарстан Республикасының Актаныш, Мөслим, Азнакай, Ютазы һәм Баулы районнары; Башкортстан Республикасы ягыннан – Краснокамск, Илеш, Бакалы, Шаран, Туймазы, Ермекеевск районнары урнашкан.

Башкортстан белен чикне билгелену процессы архив белешмәлере, күчемсез милекнең Бердәм дәүләт реестры, картография материаллары һем ортофотопланнардан алынган белешмәләр нигезендә утте. Шулай ук ике төбәкнең җирле халкы мәнфәгатьләре дә игътибарга алынды.

«Татарстан Республикасының киңлек мәгълүматлары фонды» ДБУ директоры Айрат Усманов сөйләгәнчә, башта Фонд тарафыннан, Башкортстан Республикасы вәкилләре белән берлектә, ике республиканың да картографик һәм кадастр чыганак материаллары өйрәнелгән, алар белән чагыштырганда 66 участокның (чик сызыгына туры килмәве) охшаш булган. Сорауларның бер өлеше эшче төркемнәрнең видеоконференцэлемтә режимындагы уртак утырышларында хәл ителде, икенче бер өлеше Уфада үткән сөйләшүләрдә төшерелде.

ТР Җир һәм мөлкәт мөнәсәбәтләре министрлыгында аңлатуларынча, чикне билгеләгәндә, барлык карарлар да җирле халык һәм җирле үзидарә органнарының ике республика чиген тарихи үтү турындагы мәгълүматларын исәпкә алып кабул ителгән.

"Шуны да билгеләп үтәргә кирәк, ике субъект арасындагы чик үз конфигурациясен үзгәртмәде, һәм бернинди өстәмә территорияләр дә Татарстан Республикасы һәм Башкортостан Республикасы мәйданнарыннан чыгарылмады", - дип билгеләп үтте ведомство министры Фәнил Әһлиуллин.

Сөйләшүләр нәтиҗәләре буенча 2022 елның июнендә Татарстан Республикасы Дәүләт Советы тарафыннан расланган Татарстан Республикасы белән Башкортстан Республикасы арасында чик билгеләү турындагы килешү нигезенә кергән чик проекты килештерелде.

Эшнең ахыргы этабы субъектлар арасындагы чикнең урнашу урынын тасвирлау буенча җир төзелеше эшен формалаштыру булды. Октябрь аенда документлар җир төзелеше нәтиҗәсендә алынган мәгълүматлар дәүләт фондына кертелде. Аннан соң-ЕГРН чигенә белешмәләр кертү өчен җибәрелде.

Татарстан Республикасы буенча Росреестр идарәсе җитәкчесе Азат Җаббаров сүзләренә караганда, чикләр турында, шул исәптән Россия Федерациясе субъектлары арасында булган актуаль белешмәләр күчемсез милекчеләрнең хокукларын гарантияли, бизнес алып бару куркынычын киметә, җир ресурсларыннан рациональ файдалануга һәм нәтиҗәле салым салуга ярдәм итә.

Элегрәк ЕГРНга Оренбург өлкәсе белән чикне узу турында мәгълүматлар кертелгән; Чуаш Республикасы һәм Марий Эл белән чикләрне билгеләү турында килешүләргә имза салынган һәм расланган. Шулай ук Татарстан Республикасы Дәүләт Советы тарафыннан Татарстан Республикасы чикләрен Самара һәм Ульяновск өлкәләре белән билгеләү турында килешүләр расланды. Хәзерге вакытта Удмуртия Республикасы һәм Киров өлкәсе белән чикләрне билгеләү буенча оештыру эшләре алып барыла.

Исегезгә төшерәбез, күрше төбәкләр белән чикләрне билгеләү буенча эш шул исәптән, ЕГРНны төгәл белешмәләр белән тулыландыру кысаларында да алып барыла, бу исә, үз чиратында, төбәктә «киңлек мәгълүматларының милли системасы» дәүләт программасын гамәлгә ашыру этапларының берсе булып тора.