2012 елдан ирекле кертемнәр түли башлаган пенсия тупланмаларын уртак финанслау программасында катнашучыларның игътибарына!
«Тупланма пенсиягә өстәмә иминият кертемнәре һәм пенсия тупланмалары булдыруга дәүләт ярдәме турында» 2008 елның 30 апрелендәге 56-ФЗ номерлы Федераль законның 12 статьясындагы 2 пункты нигезендә Дәүләт финанслашу программасында катнашучы гражданнарның пенсия тупланмаларын булдыруга дәүләт ярдәме тупланма пенсиягә өстәмә кертемнәрне беренче түләүдән башлап, 10 ел дәвамында гамәлгә ашырыла.
Шулай итеп, 2013 елдан ирекле кертемнәрне түләүне башлаган иминләштерелгән затлар өчен 2022 ел, 2023 елда финанс елы нәтиҗәләре буенча дәүләт ярдәме алу максатыннан, тупланма пенсиягә кертемнәр түләүнең соңгы елы булып тора.
Игътибар! 2013 елда өстәмә кертемнәр түләүне башлаган һәм аларны күчерүне туктатып торган гражданнар үзләренең тупланма пенсияләрен агымдагы ел ахырына (2022 елның 31 декабреннән дә соңга калмыйча) дәүләт финанславына хокук бирә торган күләмдә арттыру мөмкинлегенә ия. Исегезгә төшерәбез, дәүләт Программада катнашучылар тарафыннан елына 2-12 мең сум күләмендә тупланма пенсиягә күчерелгән кертемнәрне икеләтә арттыра.
2023 һәм аннан соңгы елларда ирекле кертемнәр түләүне дәвам иткән очракта, әлеге категория затларның закон шартлары буенча дәүләт тарафыннан финансланмаячак, шул ук вакытта түләнгән кертемнәр пенсия тупланмалары составына кертеләчәк һәм «Россия Федерациясендә тупланма пенсияне финанслау өчен акчалар инвестицияләү турында» Федераль закон һәм «Дәүләтнеке булмаган пенсия фондлары турында» Федераль закон нигезендә инвестицияләүгә тапшырылачак.
Үз пенсия тупланмаларын РПФ сайтында яки дәүләт хезмәтләре порталында шәхси кабинет аша контрольдә тотарга мөмкин. Шәхси кабинетка керү мөмкинлеге алу өчен www.gosuslugi.ru сайтында идентификация һәм аутентификация бердәм системасында теркәлергә кирәк. Сайтта әлеге акчалардан инвестиция кереме алган дәүләт финанслашуыннан кергән башкарылган түләүләр турында мәгълүмат күрсәтелә.
Башка пенсия тупланмалары кебек үк, бу акчалар граждан пенсиягә чыкканда түләнәчәк (яки граждан үлгән очракта хокук варисларына түләнәчәк).
2017 елда бер тапкыр түләнә торган түләү рәвешендә пенсия тупланмалары акчаларын алу хокукын гамәлгә ашыручы иминләштерелгән затлар, мөрәҗәгать иткән көннән биш елдан да иртәрәк булмаган вакытта, ягъни агымдагы елда бер мәртәбә түләнә торган түләүне гамәлгә ашыру өчен яңадан мөрәҗәгать итәргә хокуклы. Димәк, 2018 елда әлеге түләү өчен мөрәҗәгать иткән кешеләр аны яңадан 2023 елда алырга мөмкин (өстәмә кертемнәрне санап чыгу шарты белән).