Менделеевск Казанга мобилизацияләнүчеләрнең гаиләләре өчен автобуслар оештырды
Менделеевскидан мобилизацияләнүчеләрнең гаиләләре Казандагы җыю пунктына туганнары янына бардылар. Моның өчен шәһәр администрациясе С.Гассар исемендәге мәдәният йорты яныннан автобуслар оештыра. Менделеевск районы башлыгы Радмир Беляев үзенең Телеграм-каналында мондый рейслар һәр якшәмбедә башкарыла, дип сөйләде.
«Бүген безнең сугышчыларның туганнары сөеклеләре янына Казанга киттеләр. Бүген үк ветераннар советы безнең егетләр өчен чәй, конфет, печенье һәм башка товарлар белән посылкалар тапшырды. Кадерле менделеевлылар, бердәмлек өчен рәхмәт", - дип язды Радмир Беляев.
Искәртеп узабыз, моңарчы мобилизацияләнгән гаиләләр өчен мондый автобус рейслары оештырылган иде инде. Бу мобилизацияләнгән һәм аларның гаиләләренә ярдәм итү өчен шәһәр штабының бер карары. Шулай ук Менделеевскида өлешчә мобилизацияләү кысаларында чакырылган һәр кешегә 20 мең сум акча түләнә, гаиләләр балалар бакчасы һәм мәктәптә туклану өчен түләүдән азат ителә, балалар өчен бассейнга бару, чаңгы һәм тимераякта шуу бушлай оештырылган.