Әлфия Когогина: Безнең инициатива ирекле кешеләргә карата хәрби хезмәткәрләргә тиешле барлык социаль ярдәм чараларын гамәлгә ашырырга мөмкинлек бирәчәк.
Дәүләт Думасы «Ветераннар турында» гы Федераль законга төзәтмәләрне беренче укылышта кабул итте.
Дәүләт Думасы депутаты, кече һәм урта эшмәкәрлек комитеты рәисенең беренче урынбасары, закон проекты авторларының берсе, Әлфия Когогина, болай дип шәрехләде: «Безнең инициатива, барыннан да элек, ирекле ярдәмчеләр статусын күтәрүгә, аларның сайлауларына хөрмәт күрсәтүгә, сугыш хәрәкәтләре территориясендә калган кешеләргә ярдәмгә килергә әзерлеккә юнәлдерелгән. Ул ирекле ярдәмчеләргә карата хәрби хезмәткәрләргә тиешле барлык социаль ярдәм чараларын тормышка ашырырга мөмкинлек бирәчәк».
Документ белән махсус хәрби операция барышында РФ дәүләт хакимияте органнары карары буенча төзелгән ирекле оешмаларга кергән затларга сугыш хәрәкәтләре ветераны статусын билгеләү тәкъдим ителә. Моннан тыш, сугыш хәрәкәтләре инвалиды статусы хәрби хәрәкәтләрдә катнашкан һәм яраланган, имгәнгән иреклеләргә биреләчәк.
Закон проекты нигезләмәләренең гамәлдә булуы 2022 елның 24 февраленнән барлыкка килгән хокук мөнәсәбәтләренә кагылачак.