Әгәр хокук иясен эзләү уңышлы булмаса, күчемсез милек объектын "хуҗасыз" дип танырга мөмкиннәр.
Элек исәпкә алынган күчемсез милек объектларының хокук ияләрен ачыклау турындагы Канунга (518-ФЗ) кертү планлаштырылган әлеге һәм башка үзгәрешләр турында Татарстан Росреестры экспертлары сөйләде.
Әлеге мәгълүмат Татарстан Республикасы Җир һәм милек мөнәсәбәтләре министрлыгы тарафыннан оештырылган муниципаль берәмлекләрнең милек һәм җир мөнәсәбәтләре өлкәсендәге белгечләр өчен уку семинары вакытында яңгырады. Аны үткәрү вакытында Россия Федерациясенең 2022 елда булган җир һәм чиктәш законнарының төп үзгәрешләре турында аңлатмалар бирелде. Семинарда Татарстан Росреестрыннан җитәкче урынбасары Артем Костин һәм күчемсез милекне дәүләт теркәве бүлеге башлыгы Энҗе Мөхәммәтгалиева катнашты.
Тыңлаучыларның аерым игътибары “Россия Федерациясенең аерым закон актларына үзгәрешләр кертү турында” 2020 елның 30 декабрендәге 518-ФЗ номерлы Федераль законны гамәлгә ашыру мәсьәләләренә юнәлтелде - ул “Элек исәпкә алынган күчемсез милек объектларының хокук ияләрен ачыклау турындагы закон” буларак күбрәк билгеле. Бу тема буенча семинарда Татарстан Республикасы Президенты ярдәмчесе Рөстәм Мерзакреевның чыгышы булды. Аның чыгышы барышында Татарстан Росреестр экспертлары семинарда катнашучыларның күп кенә актуаль сорауларына аңлатмалар бирде.