Россия социаль фондының Татарстан бүлекчәсе Россия Пенсия Фондының һәм социаль иминият фондының барлык функцияләрен тиз һәм сыйфатлы башкарачак
Татарстан Пенсия фонды бүлеге хәбәр итә, Россия Пенсия фонды сайтында Россиянең социаль фонды турында яңа бүлек ачыла, ул 2023 елның 1 гыйнварыннан эшли башлаячак.
Пенсия фондын һәм социаль иминият фондын берләштерү социаль ярдәм чараларын алуны җиңеләйтәчәк-барлык федераль түләүләрне «бер тәрәзә»режимында алырга мөмкин булачак. Берләшмә ике фонд компетенциясендә булган барлык түләүләрнең, хезмәтләрнең һәм йөкләмәләрнең тулы дәвамлылыгын күздә тота. Димәк, хәзер Россия Пенсия фонды һәм социаль иминият фонды биргән барлык хезмәтләрне яки мәгълүматларны структуралар берләшкәннән соң яңа елдан элеккеге тәртиптә алырга мөмкин булачак.
Шул ук вакытта РСФ бизнеска административ йөкләнешне киметәчәк һәм дәүләт социаль иминияте белән тәэмин ителгән россиялеләр категорияләре санын арттырачак. Гражданнар өчен электрон сервислар саны артачак, балалары булган гаиләләр һәм йөкле хатын-кызлар бердәм пособие ала башлаячак, иминиятләүчеләрдән хисап кабул итү яңа формада башкарылачак.
2023 елның 1 гыйнварыннан РСФ гражданнарны кабул итү клиентларга хезмәт күрсәтүнең бердәм офисларында гамәлгә ашырылачак, алар Пенсия фонды клиент хезмәтләренең хәзерге кебек адреслары буенча урнашачак. Бу офисларның күбесе пилот режимында эшли. Киләчәктә барлык федераль социаль ярдәм чараларын бердәм сорау буенча рәсмиләштереп булачак. Пенсионерлар, балалары булган гаиләләр, инвалидлар якындагы бердәм фонд офисына яки КФҮләргә мөрәҗәгать итә алачак.
Берләштерелгән Фонд турындагы мәгълүмат белән сылтама буенча танышырга мөмкин https://pfr.gov.ru/grazhdanam/social_fond