Ана капиталы хисабына торак шартларын ел башыннан Татарстанның 18,4 мең гаиләсе яхшырткан.

2022 елда  ана капиталын 18,4 меңнән артык гаилә торак шартларын яхшыртуга җибәргән. Бу ана капиталы чараларын куллануның иң популяр юнәлешләренең берсе - ел башыннан барлыгы 65,2% гариза бирелгән.

Әйтик, якынча 16,1 мең гаилә ана капиталы белән өлешчә яки тулысынча кредит яки торак сатып алуга яки төзүгә беренче кертемне түләгән. Тагын 2,3 мең гаилә торак шартларын кредит акчаларын җәлеп итмичә яхшырткан. Бу максатларга Пенсия фонды гаиләләргә 10 млрд. сум күчерде, бу быел ана капиталы бирүгә юнәлтелгән барлык акчаларның 95 %ын диярлек тәшкил итә.
Бала туу (уллыкка алу) сәбәпле ана капиталына хокук барлыкка килгән балага өч яшь тулгач, ана капиталын торак шартларын яхшыртуга тотарга мөмкин. Төп бурычны яки ипотека буенча беренче кертемне каплау искәрмә булып тора. Бу очракта сертификат акчаларын бала тугач яисә уллыкка алынгач ук тотарга рөхсәт ителә.
 «2020 елның апреленнән башлап ана капиталын файдаланып, торак сатып алуга кредит (ипотекага) гариза бирү турыдан-туры кредит ачыла торган банкта мөмкин булды.Гаризаларны һәм кирәкле документларны банклар РПФның территориаль органнарына электрон элемтә каналлары буенча тапшыралар, бу ана капиталы чаралары белән эш итүне тизләтергә мөмкинлек бирә», - дип билгеләп үтте Татарстан Пенсия фонды бүлеге идарәчесе Эдуард Вафин.