Әлфия Когогина Төркиядә Дәүләт Думасы делегациясе эшендә катнашты
РФ Дәүләт Думасы депутаты, Дәүләт Думасының кече һәм урта эшмәкәрлек комитеты рәисенең беренче урынбасары Әлфия Когогина Анкарада РФ Дәүләт Думасы рәисе Вячеслав Володин җитәкчелегендәге Дәүләт Думасы делегациясе эшендә катнашты.
» Безнең илләр арасындагы мөнәсәбәтләр югары дипломатик дәрәҗәдә тора, аны Президентлар билгели һәм парламентларның бурычы – дәүләт башлыклары кабул иткән карарларны законнар белән тәэмин итү, үзара хөрмәт, тигез хокуклылык һәм милли мәнфәгатьләрне исәпкә алу принципларына нигезләнгән парламент хезмәттәшлегенең яңа форматларын гамәлгә ашыру", - дип шәрехләде депутат.
Рәсми сәфәр программасында Төркия Республикасы Президенты Рәҗәп Тайип Эрдоган белән очрашу; Төркия Республикасы Бөек Милли Мәҗлесе рәисе Мостафа Шентоп белән очрашу, Россия һәм Төркия парламентара мөнәсәбәтләрен үстерү турында фикер алышу; Аныткабир мемориаль комплексында Төркия Республикасының беренче Президенты Мостафа Кемал Ататөрек мавзолеенда чәчәкләр салу һәм башка чаралар.