Татарстан командасы «ГТО уеннары»на юнәлде

Алты кешедән торган Татарстан командасы Самарага  Бөтенроссия турниры «ГТО уеннары»на китте. Җыелма команда Республика сайлап алу нәтиҗәләре буенча оештырылды. Анда Казан, Чаллы, Балтач, Әлмәт һәм Тәтеш вәкилләре катнашты. Спортчыларны китәр  алдыннан ТР Спорт министры урынбасары Илдар Садриев тәбрикләде.

"Без командабызга җиңүләр теләп җибәрәбез. Без ГТО республика уеннары нәтиҗәләре буенча иң яхшыларны җибәрәбез. Бөтенроссия турниры 14-19 декабрьдә узачак. ГТО комплексы кешегә үз-үзен, үз сәламәтлеген тикшерергә мөмкинлек бирә, моның өчен системалы рәвештә спорт белән шөгыльләнергә кирәк», - дип билгеләп үтте Садриев.

Министр урынбасары Татарстан командасына ярышларда яхшы кәеф һәм яхшы көрәш теләде. Моннан тыш, түрә ярышларда разрядлары булган спортчылар катнаша алмый, дип ассызыклады. Садриев башка төбәкләр дә командалар формалаштыруга намус белән якын киләчәкләр һәм иң көчлесе җиңәчәк, дип ышаныч белдерде.

Татарстан командасы җиңүгә әзерлек белән бара, дип билгеләп үтте анда катнашучыларның берсе Андрей Модин. " Самарада Россиянең 40 тан артык төбәгеннән командалар җыелачак. Көрәшәчәкбез, иң югары максатлар тора. Бурыч - Татарстанны лаеклы рәвештә тәкъдим итү», - дип ышандырды ул.