Россия Пенсия фондыннан балаларга түләүләр буенча сорау-җавап

1. Сорау.

Әгәр балага 2022 елның 1 декабрендә 17 яшь тулса, 8 яшьтән 17 яшькә кадәрге балага айлык пособиене нинди срокка билгеләргә кирәк?

Җавап. №1037 Кагыйдәләрнең 55 пункты нигезендә айлык пособие балага 17 яшь тулганчы, ягъни 2022 елның 30 ноябренә  билгеләнә.

2. Сорау.

Ай саен бирелә торган пособиегә хокукны билгеләгәндә исәпкә алына торган гаилә составына тәрбиягә бала алучы гаилә турындагы шартнамә буенча бирелгән баланы кертергә кирәкме?

Җавап. 1037 номерлы Кагыйдәләрнең 16 пункты нигезендә опекада (попечительлектә) торучы балалар пособиегә хокукны билгеләгәндә исәпкә алына торган гаилә составына кертелә.

3.  Сорау

8 яшьтән алып 17 яшькә кадәрге балага айлык пособие алу хокукын туган баласы булган  опекунга һәм ике опекага алучыга билгеләгәндә, «нуль кереме» кагыйдәсен керем алмаучы күпбалалы гаиләгә мөрәҗәгать итүче буларак кулланырга мөмкинме?

Җавап. Опекунга «нуль кереме» Кагыйдәләрен куллану турындагы мәсьәләне хәл итү өчен 1037 нче номерлы кагыйдәләрнең 13 пунктындагы «з» пунктчасының 10 абзацы өлешендә халыкны социаль яклау органнары белән үзара бәйләнеш юлы белән күпбалалы гаилә статусы булу-булмавын ачыкларга кирәк.

4. Сорау

Айлык пособиеләргә хокукны билгеләгәндә гаилә кеременә күчемле мөлкәтне (автотранспорт чарасын) сатудан яки арендага бирүдән керемнәрне кертергә кирәкме?

Җавап. Гаиләнең җан башына уртача керемен исәпләгәндә 1037 нче номерлы кагыйдәләрнең 18 пунктындагы " к» пунктчасы нигезендә мөлкәтне сату һәм арендага бирүдән кергән табышлар исәпкә алына.

Россия Федераль салым хезмәтеннән документлар (документлар күчермәләре, белешмәләр) исемлегенең 23 пункты нигезендә Россия Федерациясе Салым кодексының 217.1 статьясында күрсәтелгән милектә булган мөлкәтне сату, шулай ук мөлкәтне арендага (наемга) тапшыру вакытыннан кимрәк керемнәр турында белешмәләр килә.

Шуның белән бергә, Россия Федерациясе Салым кодексының 208 статьясы нигезендә салым салу максатларында Россия Федерациясендә чыганаклардан керемнәргә шул исәптән күчемсез милекне сатудан кергән табыш кына түгел, физик затныкы булган башка мөлкәттән кергән табыш та керә.

Россия Федерациясе Салым Кодексының 217 статьясындагы 17.1 пункты нигезендә физик затлар тиешле салым чорында салым түләүче милкендәге бүтән мөлкәтне сатудан өч ел һәм аннан да күбрәк вакыт аралыгында алган керемнәр салым салудан азат ителә.

Законнарның китерелгән нигезләмәләрен исәпкә алып, гаиләнең җан башына уртача керемен билгеләгәндә, Россия Федераль салым хезмәтеннән тиешле мәгълүматлар алган очракта күчемле мөлкәтне арендага (наемга) бирүдән  керемнәр исәпкә алына.