Енабердино авылында гражданнар җыены

2022 елның 16 декабре, җомга

15 декабрьдә Енабердино авылында үзара салымнарны кертү һәм файдалану мәсьәләләре буенча гражданнар җыены узды.

Агымдагы елның 11 аенда авыл җирлегенең үсеш нәтиҗәләре турында җирлек башлыгы Евгений Никифоров сөйләде. 

Район башлыгы урынбасары Ләйсән Галиева Менделеевск районының социаль-икътисади үсеше турында хисап тотты, шулай ук 2023 елга планнары белән уртаклашты.

2023 елда халыкның гомуми карары белән һәр балигъ булган кешедән 1000 сум күләмендә үзара салым кертелде.

Халык шулай ук район җитәкчелегенә борчыган сорауларны да бирә алды.