Әлфия Когогина Татарстанда социаль газлаштыру программасын гамәлгә ашыру йомгаклары буенча киңәшмә үткәрде
Дәүләт Думасы депутаты, кече һәм урта эшмәкәрлек комитеты рәисенең беренче урынбасары Әлфия Когогина рәислегендә быел Татарстан Республикасында дәүләт программаларын гамәлгә ашыру буенча эшче төркемнең йомгаклау утырышы булды. Утырышның көн тәртибенә төп мәсьәлә булып Татарстан Республикасы сәнәгать һәм сәүдә министрлыгы, Татарстан Республикасы хезмәт, халыкны эш белән тәэмин итү һәм социаль яклау министрлыгы, «Газпром трансгаз Казан» ҖЧҖ катнашында социаль газлаштыру программасын гамәлгә ашыру булды.
"Россия Президенты Владимир Путинның Россия Федерациясе Федераль Собраниесенә юлламасы барышында 2020 елда гражданнар акчасын җәлеп итмичә социаль килештерү йөкләнде. Ай саен җаваплы затлар белән без эшче төркем утырышларын үткәрәбез, анда килеп туган мәсьәләләр турында фикер алышабыз. Ел нәтиҗәләре буенча газүткәргеч 11 657 кишәрлек чикләренә җиткерелгән, халык 5 933 йортка газ кабул иткән. Дәүләт хисабына план буенча 1,8 млрд сумлык эшләр башкарылган», – дип шәрехләде Когогина.
"Барлык гражданнар да үз йортларына йөз процент газ кабул итмәделәр, һәм бу төрле сәбәпләр аркасында була. Кемдер өчен бу бердәнбер торак түгел һәм алар тоташтырырга ашыкмыйлар, кемнеңдер финанс кыенлыклары бар. Шуны да билгеләп үтәргә кирәк, безнең республикада аз керемле халык, инвалид балалары булган гаиләләр һәм күп балалы гаиләләр, ветераннар, I һәм II төркем инвалидлар йорт эчендәге газ җиһазлары сатып алу һәм кишәрлек чикләре эчендә газ үткәрү өчен матди ярдәм алалар. Меңнән артык гаилә субсидия алды, бу максатларга республика 77 млн сум акча җибәрде», – дип билгеләп үтте депутат.
«Киләсе елның бурычы – авыл мохтаҗ булган сәламәтлек саклау һәм мәгариф учреждениеләрен газ белән тәэмин итү. Бүгенге көнгә, инвентаризация буенча, 22 мәктәп һәм балалар бакчасы һәм 36 сәламәтлек саклау объекты билгеләнгән», - дип хәбәр итте Когогина.