Нульле керем кагыйдәсе

Нульле керем кагыйдәсе шуны күздә тота: пособие гаиләнең өлкән әгъзаларында хезмәт хакы (стипендияләр, хезмәт яки эшкуарлык эшчәнлеге яки пенсиясеннән керемнәр) булганда яисә  нигезле объектив тормыш шартлары белән керемнәрнең булмавы    билгеләнә.

Керемнәр булмау өчен нигезләр

• йөклелек. Шул ук вакытта, исәпләү чорында йөклелек 6 ай яки аннан да күбрәк булса яки хатын-кызның  мөрәҗәгать иткән вакытта йөклелек вакыты 12 атна яки аннан да күбрәк булса, хезмәт хакы булмау бердәм пособие бирүдән баш тарту өчен сәбәп була алмый;  
• бала карау, әгәр күпбалалы гаиләдә ата-аналарның берсе (ягъни күпбалалы гаиләдә ата-ананың берсенең барлык 12 ай дәвамында да нульле кереме булырга мөмкин, ә икенче ата-анасының хезмәт, эшкуарлык, иҗади эшчәнлек яисә пенсиядән, стипендиядән кертемнәре булырга мөмкин);
• баланы карау, әгәр сүз бердәнбер ата-ана турында барса (ягъни баланың рәсми рәвештә бер генә ата-анасы бар, икенче ата-анасы үлгән, туу турында таныклыкта күрсәтелмәгән яисә хәбәрсез югалган);
• өч яшькә җиткәнче баланы карау;
•   дәвалау учреждениесе бәяләмәсе нигезендә даими кайгыртуда  мохтаҗ булган  инвалид яки 80 яшьтән  өлкәнрәк  гражданин турында кайгырту;
• көндезге формадасында уку;
• армиядә вакытлы хезмәт һәм демобилизациядән соң 3 айлык чор;
• 3 ай һәм аннан да күбрәк дәвамлылык белән өзлексез дәвалану узу (шул исәптән бала авырган очракта да, әгәр ата-ана тәрбиясендә булса);
• эшсезлек (мәшгульлек үзәгендә эшсез сыйфатында рәсми теркәлүне раслау кирәк, мондый статуста булганда 6 айга кадәр исәпкә алына);
• җәзаны үтәү һәм иректән мәхрүм итү урыннарыннан азат ителгәннән соң 3 ай вакыт.

Әгәр ел дәвамында хәтта кыска вакыт дәвамында да керем булса, нуль керем кагыйдәсе кулланылмый. Әгәр керем булмаса, исәп-хисап чорының 12 аеның 10 аенда объектив нигезләүләр белән ябылырга тиеш.

Нульле керем кагыйдәсе хәзерге вакытта мобилизацияләнгән гражданнарга, шулай ук Төньяк, Себер һәм Ерак Көнчыгышның аз санлы төп халыкларына кагылмый.

Игътибар итегез: бердәм пособие керткәндә күчеш чоры күздә тотыла. Түләүне билгеләү чоры тәмамланганчы, элекке кагыйдәләр буенча түләүдән файдалану мөмкинлеге гаиләләрдә саклана. Ә 2022 елның 31 декабренә кадәр туган 3 яшькә кадәрге балаларның ата-аналары, 3 яшькә кадәрге баланың элекке кагыйдәләре буенча түләүләр алырга хокуклы.