2022 елда Татарстанда авыл ипотекасы буенча 620дән артык йорт төзелгән һәм сатып алынган
Бу турыда статистик мәгълүматлар нигезендә Татарстан Росреестры һәм Россельхозбанк хәбәр итә.
«Авыл ипотекасы» программасы өч ел дәвамында гамәлдә һәм Татарстан халкында ихтыяҗ бар. 2022 елда Россельхозбанк тарафыннан 620 йорт сатып алу һәм төзү өчен авыл ипотекасы буенча 1,6 млрд сум акча бирелгән. Ә Татарстан бирү күләме буенча ел нәтиҗәләре буенча лидер төбәкләр өчлегенә керде. Шулай итеп, программа гамәлдә булган барлык вакыт эчендә 7,1 млрд сумлык 3 мең ипотека бирелгән.
Дәүләт хезмәтләрен цифрлаштыру кысаларында Татарстан Росреестры тарафыннан документлар ведомствога электрон рәвештә кергән авыл ипотекасын теркәү буенча оператив эш алып барыла.
"Безнең ведомство белгечләре кыска вакыт эчендә хокукый экспертиза үткәрергә һәм милек хокукын теркәргә тырышалар. Шуны да әйтеп узарга кирәк, Татарстанда “24 сәгать эчендә ипотека” проектын гамәлгә ашыру нәтиҗәсендә авыл ипотекасын теркәү сроклары 1 эш көненә кадәр кыскарды, - дип хәбәр итте Татарстан Росреестры җитәкчесе Азат Җаббаров.
РСХБның Татарстан төбәк филиалы белгечләре тарафыннан хупланган гаризаларны анализлау авыл ипотекасы кысаларында йортларны республиканың барлык районнарында сатып алуны өстен күрүләрен күрсәтә, әмма иң зур популярлык 2022 елда Лаеш, Питрәч, Биектау һәм Тукай районнары булган.
«Ел нәтиҗәләре авыл ипотекасының татарстанлылар арасында кирәкле программа булуын тагын бер кат раслады. Авыл ипотекасы ярдәмендә меңләгән татарстанлы үзләренең торак шартларын яхшыртты. Шулай итеп, авыл торак пунктларында төзекләндерелгән торак урыннарның өлешен арттыру буенча куелган бурыч ирешелде, дигән нәтиҗә ясарга мөмкин», - дип билгеләп үтте Россельхозбанкның Татарстан төбәк филиалы директоры Ләлә Кудермәтова.
Авыл ипотекасы «Авыл территорияләрен комплекслы үстерү» программасы составында гамәлгә ашырыла. Авыл ипотекасын алу шартлары булып 21 яшькә җитү, шулай ук Россия Федерациясе территориясендә даими яисә вакытлыча теркәлү тора. Татарстан Республикасы территориясендә күчемсез милек объекты сатып алганда кредитның максималь суммасы 3 млн сум тәшкил итәчәк, гаилә парлары өчен кредит күләме 6 млн сумга кадәр артырга мөмкин. Кредитны 25 елга кадәр срокка рәсмиләштерергә мөмкин, беренчел кертем - 10%.
«Бүгенге көндә авыл территорияләрен үстерүнең төп инструментларының берсе, һичшиксез, «Авыл ипотекасы» программасы. “Торак һәм шәһәр мохите”илкүләм проекты булмауга карамастан, әлеге инициативаның илкүләм проект кысаларында куелган максатларга ирешүгә керткән өлешен бәяләп бетергесез”, - дип өстәде Татарстан Республикасы иҗтимагый палатасы рәисе урынбасары Мөнир Гафиятуллин.
Исегезгә төшерәбез, авыл җирлегендә торак төзү яки сатып алу өчен ташламалы ипотека программасы 2022 елның августыннан башлап чикләнмәгән вакытка булды. Бу хакта карарны Хөкүмәт рәисе Михаил Мишустин имзалады.
«Авыл халкы, программа тәмамланганчы өлгермәм дип курыкмыйча, үз йортларын сатып алу яки төзеп бетерү өчен кредитлар рәсмиләштерә алачак», - дип билгеләп үтте министрлар кабинеты башлыгы.