Татарстанда 12 арбитраж идарәчесе квалификациясеннән мәхрүм ителде
2022 елда Татарстан Росреестрына арбитраж идарәчеләренең гамәлләренә (гамәл кылмавына) 658 шикаять килгән. Тикшерү нәтиҗәләре буенча 140 очракта шикаятьләр нигезле дип танылды.
Татарстан Росреестрында аңлатуларынча, 2022 елда тикшерүләр үткәрүгә мораторий салынган (ул 2023 елда да гамәлдә булуын дәвам итә). Шуңа күрә узган ел нибары 12 документар тикшерү һәм 6 тикшерү чарасы үткәрелгән, аларның нәтиҗәләре буенча күрсәтмәләр чыгарылган. Шуның белән бергә Татарстан Росреестры банкротлык эшендә даими катнашучы буларак арбитраж идарәчеләренең барлык гамәлләренә даими нигездә анализ ясый. Хокук бозуларны ачыклаганда, тикшерүләр башлана. 2022 елда ведомство вәкилләре республика территориясендә уздырыла торган банкрот оешмалар һәм гражданнарның 1000нән артык җыелышында катнашты. Нәтиҗәдә, ведомство гаризаларын караганда, арбитраж судында 112 суд акты чыгарылган, шул исәптән 7се - 190 мең сумлык административ штраф һәм 20 кисәтү салу турында. Законнарны тупас яки системалы бозган өчен суд тарафыннан 12 арбитраж идарәчесе квалификациясеннән мәхрүм ителде.