Балаларга бердәм пособие билгеләү шартлары

1 сорау. Әгәр ир белән хатын аерылышкан икән (2023 елгы аерылышу турында таныклык), гариза биргәндә элекке тормыш иптәшен гаилә составында күрсәтергә кирәкме?

Җавап. Юк, элекке тормыш иптәшен гаилә составында күрсәтергә кирәкми. Гаилә составы турында мәгълүмат гариза бирелгән көнгә күрсәтелә

2 сорау. Бердәм пособие билгеләгәндә гаиләнең барлык әгъзалары да Россия Федерациясе гражданнары булырга тиешме?

Җавап. Бердәм пособие билгеләү өчен РФ гражданлыгы гариза бирүчедә һәм пособие билгеләнгән балаларда булырга тиеш. Гаиләнең башка әгъзалары өчен гражданлык мәҗбүри түгел.

3 сорау. Документларны тапшыру вакыты әле тәмамланмаган очракта, документларны тапшырмау сәбәпле, Бердәм пособие билгеләүгә баш тарту карары чыгарырга мөмкинме?

Җавап. Документларны тапшырмау сәбәпле бердәм пособие билгеләүдән баш тарту турында карар документларны тапшыру өчен билгеләнгән срок тәмамланганнан соң чыгарыла.

4  сорау. Гражданка яшәүгә рөхсәт ала, ә РФ территориясендә теркәлү юк, әгәр бала 2022 елда туган булса, 1,5 яшькә кадәрге баланы карау буенча айлык пособие билгеләнерме?

Җавап. Яшәүгә рөхсәт даими яшәү фактын раслый, шуңа күрә 1,5 яшькә кадәрге баланы карау буенча пособие башка хокукый шартларны үтәгәндә билгеләнәчәк.

5 сорау. Гариза бирүчегә рәсми рәвештә эшләмәсә, әмма өч айдан артык  вакыт дәваланып торса, нинди документлар бирергә кирәк?

Җавап. Гариза бирүченең 3 айдан артык дәвалану узу факты турында мәгълүмат Россия социаль  фондына ведомствоара электрон хезмәттәшлек системасы аша  аша килә яки гариза бирүче РФ Сәламәтлек саклау министрлыгының 972н номерлы боерыгына ярашлы рәвештә бирелгән медицина оешмасыннан раслаучы документлар бирә.

6 сорау. Бердәм пособиегә  керем билгеләгәндә махсус хәрби операциядә ирекле катнашучының кереме исәпкә алынамы?

Җавап. җан башына уртача керемне исәпләгәндә махсус хәрби операциядә ирекле катнашучының керемнәрен төшереп калдыру законнарда каралмаган.

7 сорау. Әтисе хәрби хезмәткә чакыру буенча алына, ул бердәм пособиегә гариза бирү өчен гаилә составына кертеләме ?

Җавап. Бердәм пособиегә хокукны билгеләү һәм хәрби хезмәткә чакырылган кешенең гаиләнең уртача җан башына керемен исәпләү өчен гаилә составына кертелми.

8 сорау.  Баланың әтисе хәрби белем бирү оешмасында укый, ул бердәм пособиегә гариза бирү өчен гаилә составына кертеләме ?

Җавап. Әгәр баланың әтисе хәрби белем бирү оешмасында укый һәм хәрби хезмәт үтү турында контракт төземәсә, бердәм пособие алу хокукын билгеләгәндә һәм гаиләнең уртача җан башына керемен исәпләгәндә ул исәпкә алынмаячак. Ләкин гаризаны тутырганда, аны күрсәтергә һәм өстәмә рәвештә хәрби белем бирү оешмасында контракт төземичә укуы турында белешмә бирергә кирәк.