Әлфия Когогина: эшмәкәрләрнең финанс ярдәм чараларын алу мөмкинлекләре киңәйтеләчәк
Соңгы, өченче укылышта Дәүләт Думасы тарафыннан су чыгаручы һәм җитештерүче кече һәм урта эшкуарлык субъектларына финанс ярдәм чаралары күрсәтү турында закон кабул ителде.
Закон проектының авторларының берсе, РФ Дәүләт Думасы депутаты, rече һәм урта эшмәкәрлек комитеты рәисенең беренче урынбасары, «Эшмәкәрлек» федераль партия проекты координаторы Әлфия Когогина болай дип аңлатты: «Безнең инициатива дәүләт ярдәме чараларына ия булган эшкуарлар категорияләре исемлеген киңәйтергә тиеш. Санкцияләр шартларында Россиянең кече һәм урта бизнесы нык тора, җитештерүләрне һәм эш урыннарын саклап кала. Шул исәптән, бу дәүләт тарафыннан эшләнгән салым, милек, инфраструктура һәм башка ярдәм инструментлары ярдәмендә мөмкин булды. Үзгәрешләр буенча, минераль су чыгаручы һәм җитештерүче эшмәкәрләр тиешле дәүләт субсидияләреннән файдалана алачак. Элек бу ярдәмнән мәхрүм булганнар, чөнки эчә торган минераль су файдалы казылмаларга карый, һәм файдалы казылмалар чыгаруга салым түләүчеләрнең бу ярдәм системасына керү мөмкинлеге булмаган. Бу проблема турында миңа райондагы эшмәкәрләр сөйләде, һәм без хезмәттәшләрем белән бу мәсьәләне тикшердек һәм өч меңләп кече һәм урта эшмәкәрлек субъектына эчә торган минераль су җитештерүчеләргә ярдәм итү мөмкинлеген таптык.
Закон проекты белән эчә торган минераль сулар чыгаруны һәм сатуны гамәлгә ашыручы кече һәм урта эшкуарлык субъектларына «Россия Федерациясендә кече һәм урта эшкуарлыкны үстерү турында»Федераль законда каралган финанс ярдәмен алу мөмкинлеге бирергә тәкъдим ителә.