Бала карау буенча айлык пособие алу хокукы

​1 нче сорау. Эшләмәгән гражданнарга, студентларга 1,5 яшькә кадәрге баланы карау буенча айлык пособие нинди күләмдә түләнәчәк?

Җавап. Вакытлыча эшкә сәләтсезлек очрагында һәм ана булу сәбәпле мәҗбүри социаль иминиятләштерелмәгән кешеләргә (эшләмәүчеләр, студентлар) 1,5 яшькә кадәрге баланы карау буенча айлык пособие 2023 елның 1 февраленнән 8591,47 сум күләмендә түләнә.

2 нче сорау. 1,5 яшькә кадәрге баланы карау өчен айлык пособиене ата-анасы булган баланы караган әби ала аламы?

Әби бала карау буенча 1,5 елга кадәр айлык пособие алырга хокуклы, әгәр мәҗбүри социаль иминиятләштерелгән (эшли) йә бала карау буенча ял чорында эштән азат ителгән һәм фактта баланы тәрбияләүне гамәлгә ашыра икән. Шулай ук ата-анасы вафат булган, ата-ана хокукларыннан мәхрүм ителгән,  ата-ана хокукларын чикләү, ата-аналарны хокукый сәләтсез дип тану, ирегеннән мәхрүм итү, бала каравыннан баш тарту очракларында, мәҗбүри социаль иминиятләштерелмәгән булса да.

Сорау 3. 1,5 яшькә кадәрге баланы карау буенча айлык пособие билгеләү хокукына Россия Федерациясе гражданы булган эшләмәүче әти, әгәр әнисе яшәү рөхсәте булмаган чит ил гражданы (чит ил кешесе) булса?

Җавап. 1,5 яшькә кадәрге баланы карау буенча айлык пособие баланың әтисенә башка хокукый шартларны үтәгәндә билгеләнә ала, шул исәптән:
- әнинең эшләү факты булмаганда (чит ил гражданы, чит ил кешесе);
- РФ территориясендә ананың 1,5 яшькә кадәрге баланы карау буенча айлык пособие алмавы.

4 нче сорау. Әгәр дә гариза бирүче 1,5 яшь тулганчыга кадәр балага яшәү срогы тәмамланганнан соң яшәүгә рөхсәт алган чит ил гражданы (чит ил кешесе) булса, баланы карау буенча айлык пособие алу хокукы бармы?

Җавап. 1,5 яшькә кадәрге баланы карау буенча айлык пособие Россия Федерациясе территориясендә даими яшәүче чит ил гражданнарына (чит ил кешеләренә) һәм гражданлыгы булмаган кешеләргә, шулай ук качакларга билгеләнә һәм түләнә. Чит ил гражданының РФ территориясендә даими яшәвен раслаучы документ булып яшәүгә рөхсәт булуын исәпкә алып, айлык пособиене балага 1,5 яшь тулганчы түгел, ә яшәү өчен рөхсәт гамәлдә булган чорга билгеләнә

5 нче сорау. 1,5 яшькә кадәрге баланы карау буенча айлык пособие, әгәр бу айда балага 1,5 яшь тулса, тулы айга түләнәчәкме?

Җавап. 1,5 яшькә кадәрге баланы карау буенча айлык пособие балага 1,5 яшь тулганчыга кадәр, ягъни карау чорына туры килгән айның календарь көннәре (эшләми торган бәйрәм көннәрен дә кертеп) санына пропорциональ рәвештә түләнә.