Пенсиягә вакытыннан алда чыгу кагыйдәләре турында
Татарстан Республикасы Менделеевск муниципаль районында клиент хезмәте (бүлек хокукларында) “Пенсияләр билгеләү һәм түләү мәсьәләләре буенча РФнең аерым закон актларына үзгәрешләр кертү турында” 2018 елның 03 октябрендәге 350-ФЗ номерлы Федераль закон белән зур иминият стажы булган гражданнарның вакытыннан алда пенсиягә чыгу хокукы беркетелгән.
Мәсәлән, 42 елдан (ирләр өчен) һәм 37 елдан (хатын-кызлар өчен) ким булмаган иминият стажы булган кешеләргә картлык буенча иминият пенсиясе гомуми билгеләнгән пенсия яшеннән 2 елга иртәрәк билгеләнә, әмма 60 яшьтән (ирләр өчен) һәм 55 яшьтән дә иртәрәк түгел (хатын-кызлар өчен)
2013 елның 28 декабрендәге 400-ФЗ номерлы Федераль закон нигезендә иминият пенсияләренә иминият стажын исәпләгәндә хатын – кызлар өчен 37 ел һәм ир-атлар өчен 42 ел аңа түбәндәге чорлар кертелә:
- Россия Федерациясе территориясендә башкарылган эш һәм (яисә) башка эшчәнлек чорлары, шул чорда Россия Федерациясе Пенсия фондына иминият кертемнәре исәпләнә һәм түләнә торган шарт белән;
- вакытлыча хезмәткә яраксызлык чорында мәҗбүри социаль иминләштерү буенча пособие алу чоры.
Иминиятләштерелмәгән чорлар 1,5 яшькә кадәрге балаларны карау, эшкә сәләтсез гражданнарны карау һәм башкалар бу очракта әлеге нигез буенча вакытыннан алда пенсия билгеләү хокукы бирә торган иминият стажына исәпкә алынмый. Чакырылыш буенча армиядә хезмәт итү чорыннан аермалы буларак. 2022 елның ноябреннән әлеге чорлар озак стаж исәбенә кертелә. Исегезгә төшерәбез, бүгенге көндә булган стажны Россия социаль фонды сайтындагы шәхси кабинетта тикшерергә мөмкин (sfr.gov.ru) яки дәүләт хезмәтләре порталында (gosuslugi.ru). Стаж турында мәгълүматлар булган аерым шәхси счетның торышы турында күчермәне шулай ук Россия социаль фондының клиент хезмәтләрендә яки күпфункцияле үзәктә алырга мөмкин. Әгәр дә нинди дә булса мәгълүмат исәпкә алынмаса яки тулы күләмдә исәпкә алынмаса, социаль фондка шәхси (персонификацияләнгән) исәп-хисап мәгълүматларына төзәтмәләр кертү һәм аерым шәхси счетка төгәллекләр (өстәмәләр) кертү турында гариза тапшырырга кирәк.
Гариза бирергә мөмкин:
- шәхсән яки Россия социаль фондының клиентлар хезмәтендә үз вәкиле аша;
- электрон документ формасында Россия социаль фонды сайтында яки дәүләт хезмәтләре порталында шәхси кабинет аша.
Гариза белән яшәү урынына, тору урынына карамастан, Россия социаль фондының теләсә кайсы клиент хезмәтенә мөрәҗәгать итәргә мөмкин. Гариза белән бер үк вакытта шәхесне раслаучы документ һәм җитмәгән мәгълүматны раслаучы документлар тапшырырга кирәк.