Пенсия хокукларын алдан бәяләү

ТР Менделеевск районындагы клиентлар хезмәте (бүлек хокукларында) үз клиентларына пенсия алды яшендәге гражданнар Россия социаль  фондының территориаль органында пенсия хокукларын алдан бәяли ала дип хәбәр итә.

Пенсия хокукларын алдан бәяләү буенча хезмәт алу өчен мөрәҗәгать иткәндә гражданнарга пенсия хокукларын раслаучы барлык документларны (эш, уку чоры турында документлар, Балалар турында мәгълүматлар һ.б.) тапшырырга кирәк.

           Белгечләр стаж һәм хезмәт хакы турындагы документларга хокукый бәя бирәчәкләр (хезмәт кенәгәсен, стаж һәм хезмәт хакы турындагы белешмәләрне тутыруның дөреслеген тикшерәчәкләр), пенсия билгеләү өчен шәхси счет төзиячәкләр.

Алга таба гражданнар, пенсиягә чыгу яшенә җиткәч, Россия социаль фонды органнарына бармыйча һәм документлар тапшырмыйча, аерым шәхси счет мәгълүматлары буенча электрон рәвештә иминият пенсиясе билгеләү турында гариза җибәрә алалар.

Пенсия хокукларын алдан бәяләү буенча эш кысаларында белгечләр гражданнарга җитмәгән документларны алуда ярдәм күрсәтәләр. Мәсәлән, эш вакытларын раслаучы белешмәләр, шул исәптән аерым хезмәт шартларын төгәлләүче, хезмәт хакы турында белешмәләр, хәрби хезмәтне үтү чоры турында белешмәләр, уку йортларыннан белешмәләр һ. б.

Моның өчен Россия социаль фондының территориаль органы эш бирүчеләргә, архив учреждениеләренә, шулай ук башка компетентлы органнарга мөрәҗәгать җибәрә. Шул ук вакытта гражданнан документларны таләп итүдә ярдәм күрсәтү турында гариза таләп ителми.

Еш кына гражданнар пенсия билгеләү өчен кирәкле документларының торышына социаль фондка мөрәҗәгать иткән вакытта игътибар итәләр. Бу түләү вакытына тәэсир итә ала, чөнки барлык кирәкле мәгълүматны җыю өчен вакыт кирәк. Шуңа күрә пенсия яшендәге район халкына пенсия хокукларын бәяләү өчен алдан ук Россия социаль фонды органнарына мөрәҗәгать итәргә киңәш итәбез.