Татарстанда 2023 елда 23 меңнән артык реестр хатасы төзәтеләчәк
Бу 2022 ел белән чагыштырганда 3 тапкыр күбрәк: ул вакытта 8 меңгә якын реестр хатасы төзәтелгән.
Төбәктә «Милли киңлек мәгълүматлары системасы» дәүләт программасын гамәлгә ашыру буенча эш дәвам итә. Аның кысаларында Татарстан Республикасы буенча Росреестр һәм Роскадастр күчемсез милекнең Бердәм дәүләт реестры (ЕГРН) мәгълүматларында реестр хаталарын төзәтү буенча эшчәнлекләрен дәвам итәләр.
Исегезгә төшерәбез, Әгәр элек Росреестрга күчемсез милек объектына ызанлау яки техник пландагы документларда дөрес булмаган мәгълүматлар тапшырылган булса, реестр хатасы күчемсез милекнең Бердәм дәүләт реестрында барлыкка килә. Бу техник хатадан аерылып тора, ул реестрга мәгълүмат керткәндә белгечләр тарафыннан ясалган хаталар барлыкка килергә мөмкин.
"Реестр хаталарын ачыклау һәм төзәтү буенча комплекслы эш Росреестр тарафыннан илнең барлык субъектларында, шул исәптән Татарстан территориясендә алып барыла. Еш кына мондый хаталар кадастр эшләрен үткәргәндә ясалган хаталар аркасында яки документлардагы хаталар аркасында килеп чыккан. Хәзерге вакытта кадастр эшләрен башкаруның заманча ысулларын кулланганда хаталар булу минимальләштерелгән, - дип билгеләп үтте Татарстан Росреестры җитәкчесе урынбасары Нияз Галиәкбаров.