Татарстанда яшь эшмәкәрләрдән 500 мең сумга кадәр грантларга гаризалар кабул итәләр

ТР икътисад министрлыгы һәм «Минем бизнес» үзәге «Кече һәм урта эшкуарлык» илкүләм проектын тормышка ашыру кысаларында яшь эшкуарлар өчен уникаль белем бирү программасын тәкъдим итә: «Яшьләргә Бизнес» программасында катнашучылар үз эшләрен үстерү өчен 100 000 сумнан 500 000 сумга кадәр грантка гариза бирү мөмкинлеге алачак.

Кече һәм урта эшмәкәрлек һәм шәхси эшкуарлыкка ярдәм» илкүләм проектын гамәлгә ашыру кысаларында «Яшьләргә бизнес» программасы «Минем бизнес» үзәгеннән старт ала. Белем бирү программасы нәтиҗәләре буенча яшь эшмәкәрләр 500 мең сумга кадәр грант алырга мөмкин. Программа эшкуарлык күнекмәләрен үзләштерергә һәм финанслау алырга теләүче 18 яшьтән 25 яшькә кадәрге яшь кешеләргә юнәлдерелгән. 
Укулар Татарстан Республикасының өч шәһәрендә узачак: Казан, Чаллы һәм Әлмәт. Өч шәһәрдә уку 1 июльдән 9 июльгә кадәр дәвам итәчәк.

Программаның уникальлеге аның фокусында эшкуарлыкның гамәли аспектларына һәм бизнес-планнар өстендә эшләүдән гыйбарәт. Катнашучылар тәҗрибәле укытучылар һәм уңышлы бизнесменнар җитәкчелегендә гадәти һәм стандарт булмаган эшмәкәрлек ситуацияләре өстендә эшләү мөмкинлеге алачак. Программаны бетергәч, һәр катнашучы, гадәтиләрен генә түгел, эшмәкәрлеккә яңа алымнарны да үзләштереп, үз бизнес-планын эшли һәм яклый ала.

«Яшьләргә бизнес» белем бирү программасында катнашучылар, кече һәм урта эшмәкәрлек субъекты тарафыннан 25 процент күләмендә финанслау шарты белән, үз эшләрен үстерү өчен 100 000 сумнан 500 000 сумга кадәр грантка гариза бирү мөмкинлеге алачак. Бу яшь эшкуарларга үз идеяларын тормышка ашырырга һәм базарда уңышлы старт алырга ярдәм итәчәк зур ярдәм. 
"Яшьләргә бизнес" - яшьләр өчен үз эшкуарлык потенциалын күрсәтү, кирәкле белем һәм күнекмәләр алу, шулай ук үз бизнесларын үстерү өчен ярдәм итү мөмкинлеге. Программага кушылып, яшьләр Татарстан Республикасында эшкуарлыкның яңа дулкынының бер өлеше булып китәләр», - дип сөйләде  «Татарстан Республикасы эшкуарлыкка ярдәм фонды» коммерцияле булмаган микрокредит компаниясе генераль директорының беренче урынбасары — «Минем бизнес»үзәге җитәкчесе Линара Бурханова.
Программада катнашу өчен 29 июньгә кадәр  РФ урта һәм кече эшмәкәрлек цифрлы платформасында гариза бирергә кирәк https://мсп.рф/, Региональ ярдәм чаралары бүлегендә  "Минем бизнес үзәгенең уку чараларына язылу" хезмәтен сайларга, аннан соң килеп чыккан исемлектән курсны сайларга: 
"01.07-09.07.2023 - «Яшьләргә бизнес» яшьләр эшкуарлыгын үстерү буенча укыту программасы, Казан шәһәре".  
"01.07-09.07.2023 - «Яшьләргә бизнес» яшьләр эшкуарлыгын үстерү буенча укыту программасы, Чаллы шәһәре".
"01.07-09.07.2023 - «Яшьләргә бизнес» яшьләр эшкуарлыгын үстерү буенча укыту программасы, Әлмәт шәһәре" 
Программаның партнерлары булып «Татарстан Республикасы студентлар лигасы»  Гомумроссия мәгариф профсоюзының Татарстан республика оешмасы, «Казан ачык талантлар университеты 2.0»,, «Татарстан Республикасы сәүдә-сәнәгать палатасы» берлеге һәм Татарстан Республикасы яшь педагоглар берлеге тора. Мондый партнерлык ярдәмендә программада катнашучылар үзләренең һөнәри элемтәләрен киңәйтергә һәм эшлекле мохиттә кыйммәтле элемтәләр булдырырга мөмкинлек алачак. 
«Яшьләргә бизнес " белем бирү программасында катнашу мәсьәләләре буенча чараның контактлы кешесенә мөрәҗәгать итәргә кирәк – гариза кампаниясе җитәкчесе Илья Земленухин, тел.8(987)214-92-67. 
Исегезгә төшерәбез, укыту программасы «Кече һәм урта эшкуарлык һәм шәхси эшкуарлык инициативасына ярдәм» илкүләм проекты кысаларында тормышка ашырыла, аны Татарстан Республикасы икътисад министрлыгы һәм «Минем бизнес» үзәге, «ТР Эшкуарлыкка ярдәм фонды» микрокредит компаниясе оештыра.