Күп балалы әниләрнең пенсиясе
Агымдагы ел башыннан ТР Менделеевск районында Россия Социаль фондының клиентлар хезмәте тарафыннан 17 күп балалы анага, шул исәптән дүрт бала тәрбияләүче бер һәм уналты бала тәрбияләүче анага картлык буенча иминият пенсияләре билгеләнгән.
Бу чорда пенсия яшенә җиткән биш һәм аннан да күбрәк балалы әниләр булмаган.
Исегезгә төшерәбез, 2019 елдан вакытыннан алда пенсия алу хокукы алган күп балалы әниләр исемлеге киңәйде. Пенсия яшеннән алдарак лаеклы ялга биш һәм аннан да күбрәк бала тапкан хатын-кызлар гына түгел, ә дүрт һәм өч бала тәрбияләгән әниләр дә чыга ала.
Мәсәлән, әгәр хатын - кызның дүрт баласы булса, аңа пенсия 56 яшьтә - дүрт ел иртәрәк билгеләнәчәк, ә өч балалы әниләр пенсиягә өч ел иртәрәк-57 яшьтә чыга алачак.
Күп балалы әниләр биш һәм аннан да күбрәк балалары белән, элеккечә, илле яшендә лаеклы ялга чыгалар.
Вакытыннан алда пенсия алу өчен, күп балалы әнигә сигез яшькә кадәрге балаларны тәрбияләргә һәм ким дигәндә унбиш ел хезмәт стажы булу кирәк.
Шунысын да билгеләп үтәргә кирәк, картлык буенча вакытыннан алда иминият пенсиясенә хокук уллыкка алынган балаларны тәрбияләүче әниләргә дә тулысынча кагыла.
Ата-ана хокукыннан мәхрүм ителгән хатын-кызларга бу ташлама юк.