Россия Социаль фонды хезмәтләрен күпфункцияле үзәктә алырга мөмкин
Татарстан Республикасы буенча пенсия һәм социаль иминият фондының Менделеевск районындагы клиентлар хезмәте Россия Социаль фонды хезмәтләрен күп функцияле үзәктә алырга мөмкин булуы турында хәбәр итә. Шуңа күрә гражданнарга әлеге хезмәтләрне алу өчен күпфункцияле үзәккә мөрәҗәгать итәргә киңәш итәбез.
Гражданнарның төп массасы хезмәт күрсәтү мәсьәләсе буенча шәхсән пенсияләр, тупланма пенсияләр һәм дәүләт пенсияләрен түләү буенча мөрәҗәгать итә.
Шулай итеп, күпфункцияле үзәк түбәндәге хезмәтләр буенча кабул итүне гамәлгә ашыра:
- шәхси мәгълүматны үзгәртү турында белдерүләр;
- пенсионерга тиешле һәм аның үлеме сәбәпле алынмаган пенсия суммаларын түләү турында гаризалар;
- артык алынган пенсия суммаларын ирекле рәвештә кире кайтару турында гаризалар;
-социаль хезмәт күрсәтүнең стационар формасында күрсәтелә торган социаль хезмәтләр өчен билгеләнгән түләү хисабына пенсияне тулы күләмдә яки әлеге пенсиянең билгеле бер өлешендә күчерү турында гаризалар;
- эшне һәм (яки) башка эшчәнлекне гамәлгә ашыру (туктату) факты турында гаризалар;
- Россия Федерациясе гражданының яшәү урынын раслау турында гаризалар;
- социаль пенсия алучы Россия Федерациясе гражданының Россия Федерациясендә даими яшәүләрен раслау турында гаризалар.
2. Анкета мәгълүматларын үзгәртү яки мәҗбүри пенсия иминияте системасындагы аерым шәхси счетның иминият номерын ( СНИЛС) бирү турында гаризалар белән шулай ук күпфункцияле үзәккә мөрәҗәгать итәргә киңәш ителә.
Моннан тыш, гражданның мондый гаризасы ТР буенча Россия Социаль фонды бүлекчәсенең клиентлар хезмәтенә (бүлек хокукларында) эш бирүче тарафыннан көчәйтелгән квалификацияле электрон имза белән имзаланган электрон документ формасында тапшырылырга мөмкин.
Шулай итеп, гражданнар үзләренең эш бирүчеләре аша шәхси (персонификацияләнгән) исәп-хисап системасында теркәлү өчен анкеталар, шәхси (персонификацияләнгән) исәп-хисап системасында теркәлүне раслаучы документ бирү турында гаризалар җибәрергә тиеш.