Әлфия Когогина: закон проекты төбәкләрдә яшәүчеләргә даруларны вакытында алырга ярдәм итәргә тиеш
Дәүләт Думасы төбәкләргә бердәнбер тәэмин итүчедән медикаментлар һәм медицина хезмәтләре сатып алырга мөмкинлек бирүче закон проектын икенче укылышта кабул итте.
Дәүләт Думасы депутаты, Кече һәм урта эшкуарлык комитеты рәисенең беренче урынбасары Әлфия Когогина болай дип аңлатма бирде: «төбәкләр тарафыннан бердәнбер тәэмин итүчедән – төбәккә буйсынучы предприятиедән эш яки хезмәт сатып алу системасы, шул исәптән төбәкнең даруларга ихтыяҗын тәэмин итү өчен, үзен бик яхшы күрсәтте, үзәкләштерелгән рәвештә дарулар һәм медицина эшләнмәләрен сатып алу, саклау һәм китерү мөмкинлеге бирде. Системаны 2023 елның 1 июленә кадәр илебезнең кайбер төбәкләрендә – туган Татарстанда, Чуашиядә, Архангельск, Түбән Новгород, Калуга өлкәләрендә һәм башкаларда нәтиҗәле кулланганнар. Закон проектын кабул итеп, без ил төбәкләрендәге дәүләт һәм муниципаль учреждениеләргә медикаментлар һәм башка медицина товарлары һәм хезмәтләренең билгеле бер исемлеген элеккечә сатып алу хокукын бирәбез, шулай итеп, халык даруларны вакытында алачак».
Закон проекты 2024 елның 1 июленнән дәүләт һәм муниципаль учреждениеләргә дарулар, иммунобиологик препаратлар, махсус дәвалау азыгы продуктлары, медицина эшләнмәләре, дезинфекцияләү өчен чаралар, медицина җиһазлары һәм аңа чыгым материаллары, шулай ук тиешле товарларны саклау һәм китерү, медицина җиһазларын ремонтлау һәм техник хезмәт күрсәтү буенча хезмәтләр сатып алу хокукын бирергә тәкъдим итә РФ субъектының дәүләт унитар предприятиесе яки акционерлык җәмгыяте. Аның 100 процент акцияләре РФ субъектына карый. Бу предприятиене хөкүмәтнең төбәк хакимиятләре мөрәҗәгате буенча карары белән билгеләргә тәкъдим ителә.