Татарстан Росреестры 2023 елның беренче яртыеллыгына йомгак ясады
Нәтиҗәләр "Татарстан Республикасында күчемсез милек объектларына һәм җир кишәрлекләренә гражданнарның хокукларын рәсмиләштерү үзенчәлекләре турында" дигән темага Татарстан Республикасы Министрлар Кабинетында узган брифинг кысаларында яңгырады.
Ведомство мәгълүматлары буенча, төбәктә исәпкә алу-теркәү гамәлләренең тотрыклы уңай динамикасы күзәтелә, шул ук вакытта күрсәткечләр буенча ул 2022 ел күрсәткечләреннән шактый артып китә.
Әйтик, узган елның шул ук чоры белән чагыштырганда, быел күчемсез милекне рәсмиләштерүгә гаризалар саны 22 процентка арткан:
- хокукларны теркәүгә - 15%ка
кадастр исәбенә - 64%
Барлыгы алты айда 384 меңнән артык шундый гариза кергән, шуларның 214 меңе электрон рәвештә, бу узган ел күрсәткеченнән 60 процентка күбрәк. Шунысы игътибарга лаек, иң кискен үсеш - 5 тапкырга! - күчемсез милек объектларын электрон рәвештә исәпкә алу белән бәйле.
Капиталь төзелеш объектларын кадастр исәбеннән төшереп калдыруга гаризалар бирүнең артуы 518-ФЗ белән бәйле, аның нигезендә элек исәпкә алынган күчемсез милек объекты яшәүдән туктаган очракта, җирле үзидарә органы кадастр исәбеннән төшерү турында гариза белән мөрәҗәгать итәргә тиеш, тикшерү актын әзерләү таләп ителми.
Җир кишәрлекләренең кадастр исәбенә электрон рәвештә бирелгән гаризалар санының артуын шулай ук "гараж амнистиясе" турындагы закон гамәле белән бәйлиләр. 79-ФЗ нигезендә вәкаләтле орган, уңай карар кабул ителгән очракта, мөстәкыйль рәвештә идарәгә гариза һәм кирәкле документларны җибәрә.
Татарстан Росреестрының барлык мөрәҗәгатьләре йомгаклары буенча 2023 елның алты аенда 713 меңнән артык хокук теркәлгән. Бу узган елның шул ук чорына караганда 34 процентка күбрәк.