Менделеевскида гаилә юбилярларын котладылар
Менделеевскида 45 ел бергә яшәгән гаиләне котладылар. Тантананы шәһәрнең гражданлык хәле актларын теркәү бинасында үткәрделәр, аларга рәхмәт хаты һәм бүләкләр тапшырдылар.
Гаилә тормышының юбилеен Чабан гаиләсе билгеләп үтте. Наталья Федоровна һәм Александр Николаевич бергәләп гаилә юлын Казахстанда башлыйлар. Таҗикстаннан хезмәткә килгән Александр чибәр кызны беренче күрүдә аның йөрәген яулый һәм тиздән яшь гаилә барлыкка килә. Алар инде 30 елдан артык Менделеевск шәһәрендә яшиләр. Бу елларда шәһәр алар өчен туган шәһәргә әйләнде. Монда балалар үсте һәм үз гаиләләрен булдырды, алты оныклары бар.
"Һәр гаиләдәге кебек үк, шатлык һәм бәхетсезлекләр булды. Авырлыкларны кичерергә һәм бәхетле мизгелләрне уртаклашырга мәхәббәт ярдәм итә", - ди ир белән хатын.
Менделеевскида гаилә тормышы юбилярларын хөрмәтләү гадәте инде күп еллар дәвам итә. Бүгенге көндә районның 18 гаиләсе түгәрәк даталарны билгеләп үтте.