Росреестрда күчемсез милекне теркәү нигә кирәк?
Татарстан Росреестрына күп санда гражданнардан күчемсез милекне рәсмиләштерүгә кагылышлы сораулар килә башлады, атап әйткәндә:
Әгәр минем кулымда техник инвентарьлаштыру бюросыннан фатирга документлар бар икән, Росреестрда күчемсез милекне теркәү нигә кирәк?
Ни өчен минем фатир Бердәм дәүләт күчемсез милек реестрына (дәүләт хезмәтләре сайтында) сорау белән мөрәҗәгать иткәндә чагылмый? һ.б.
Ни өчен техник инвентарьлаштыру бюросы минем объект турындагы мәгълүматны Росреестрга бирмәгән?
Әйдәгез, бергә тикшерербез!
Техник инвентарьлаштыру бюросы документлары астында нәрсә күздә тотыла?
122-ФЗ номерлы (1998 елның 31 гыйнварына кадәр) күчемсез милеккә хокукларны теркәү турындагы закон үз көченә кергәнче, шулай ук Татарстан Республикасы территориясендә күчемсез милеккә хокукларны дәүләт теркәве һәм аның белән алыш-бирешләр системасы төзелгәнче (2000 елның 1 гыйнварына кадәр) капиталь төзелеш объектларына, шул исәптән фатирларга хокукларны дәүләт теркәвенә алу техник инвентарьлаштыру бюросы (БТИ) гамәлгә ашырылды. Бу процедура хокук билгели торган документта (хосусыйлаштыру килешүе, сату-алу килешүе, мираска хокук турындагы таныклык һ.б.) техник инвентарьлаштыру бюросында хокукны теркәү турында тиешле тамга кую белән раслана.
Бүгенге көндә милекнең мондый хокукы Бердәм дәүләт күчемсез милек реестрында (ЕГРН) хокук турында язма булмаганда да да барлыкка килгән һәм юридик дөрес дип санала. Бердәм дәүләт күчемсез милек реестрында мондый хокукларны дәүләт теркәве аларның хуҗалары теләге буенча уздырыла.