Түләтүчедән турыдан-туры кергән башкарма документның үтәлеше турында

"Башкару эшчәнлеге турында" гы закон нигезләмәләренә ярашлы рәвештә, вакытлы түләүләрне түләтү турындагы, йөз мең сумнан артмаган акчаларны түләтү турындагы башкарма документ бурычлыга хезмәт хакын, пенсияне, стипендияне һәм турыдан-туры башка вакытлы түләүләрне башкаручы оешмага яисә башка затка җибәрелергә мөмкин.

Башкарма документ белән бер үк вакытта, түләтүче гаризада түбәндәгеләрне тәкъдим итә:

1) акча күчерергә тиешле банк яки казна счеты реквизитлары, яисә акча күчерергә тиешле адрес;

2) гражданның шәхесен раслаучы документның реквизитлары,  фамилиясе, исеме, әтисенең исеме,

3) салым түләүченең исеме, идентификация номеры яки чит ил оешмасының коды, дәүләт теркәү номеры, түләтүченең адресы.

Гамәлдәге законнарга ярашлы рәвештә, башкарма документ турыдан-туры түләтүчедән килгән очракта, Россия Социаль фонды территориаль органы компетенциясенә башкарма документ буенча йөз мең сумнан артмаган суммада бурычны түләтү турындагы таләпләрне үтәү генә керә. Федераль закон буенча Россия Социаль фонды территориаль органына башка вәкаләтләр йөкләнми.

Бурычлы кешенең кеременнән тотылырга тиешле сумманы түләтүче тарафыннна билгеләү дә гамәлдәге законнарда каралмаган.

Йөз мең сумнан артык түләтү суммасы турында башкарма документ башкаручы суд приставына җибәрелә.