Татарстан эшмәкәрләре товарларны һәм хезмәтләрне Авитода алга этәрә һәм кэшбэк ала алачак
Инициатива кысаларында Авитода товарлар яки хезмәтләр тәкъдим итүче эшмәкәрләр платформада бизнесны үстерүдә һәм яңа клиентлар җәлеп итүдә ярдәм ала алачак.
РФ Икътисади үсеш министрлыгы «Авито» белән берлектә кече һәм урта эшмәкәрлеккә ярдәм итү федераль программасын башлап җибәрде. Барлык катнашучылар да онлайн платформада продукцияне пропагандалауда һәм яңа клиентларны җәлеп итүдә ярдәм ала алачак. Программа Президент инициативасы белән беренче вице-премьер Андрей Белоусов җитәкчелек иткән «Кече һәм урта эшмәкәрлек» илкүләм проекты кысаларында эшләүче «Минем бизнес» үзәкләре базасында гамәлгә ашырыла.
Товар категорияләрендә тәкъдимнәр урнаштыручы сатучылар, 1000 сумнан аванс түләгәндә, бонуслар ала алачак, алар тариф активлашканнан соң 90 көн дәвамында исәпләнәчәк һәм гамәлдә булачак. Шулай итеп, 60 меңгә кадәр бонус алырга һәм аларны рекламаларны пропагандалау хезмәтләре бәясенең 99% ка кадәр түләү өчен кулланырга мөмкин.
Хезмәт күрсәтү өлкәсе эшмәкәрләренә шулай ук программада катнашу башланганнан өч ай дәвамында «Авито хезмәтләрендә» пропагандалау өчен бонуслар исәпләнәчәк. Беренче айда 100% (ә айга 10 меңнән артык түгел), икенче айда 50% (ә 7 меңнән артык түгел), өченче айда 20% (5 меңнән артык түгел) күләмендә бонуслар исәпләнә.
Мөһим! Бонусларны куллану өчен эшмәкәр шәхси кабинетында реквизитлар (ИНН) күрсәтеп, Авитода теркәлергә тиеш.
Бонуслардан тыш, программада катнашучылар платформада бизнесны үстерү буенча һйнәри консультацияләр, бушлай укыту вебинарларына һәм электрон коммерция курсларына керү мөмкинлеге алачак. Эшмәкәрләргә ярдәм чарасы алу өчен «Минем бизнес» үзәкләренә мөрәҗәгать итәргә яки онлайн-гариза калдырырга кирәк.
Хезмәт алуга гаризаны РФ кече һәм урта эшмәкәрлекнең.цифрлы платформасында, «Региональ ярдәм чаралары» бүлегендә бирергә, аннан соң «Авито маркетплейсында товарларны урнаштыру һәм алга җибәрү программасы» хезмәтен сайларга мөмкин.
Исегезгә төшерәбез, ярдәм программалары «Кече һәм урта эшмәкәрлек» илкүләм проекты кысаларында «Минем бизнес» Татарстан үзәге базасында гамәлгә ашырыла, аны Президент башлап җибәрде һәм беренче вице-премьер Андрей Белоусов җитәкли
Татарстан Республикасы эшмәкәрлеккә ярдәм фондының «Минем бизнес» бушлай хезмәтләре алу өчен цифрлы платформаларга гариза бирү һәм ярдәм итү мәсьәләләре буенча эшмәкәрләр «Минем бизнес» үзәгенең кайнар линиясенә +7(843)524-90-90 номеры буенча мөрәҗәгать итә алалар.